bondissaient ». M. P

3. Notons que ce jour de la « solempnité » des noces est ici marqué le dimanche 8 janvier; car, plus loin, nous verrons le duc de Bourgogne, lui-même, dans le préambule de ses lettres d'institution de l'ordre de la Toison d'or, rapporter cette sôllempnisatiôn au Kl.

eult les dames [bien]1 viengnies, qu'il ne se parteist; et mengea en sa chambre privéement.

Après que le duc fut party, s'assirent les dames par la manière qu'il s'ensuit. Premiers, s'assist ladicte dame et au près de lui, au desoubz, la ducesse de Bethfort; au dextre de ladite dame, son frère; et puis tout audeseure, deux évesques, celluy d'Evre en Portingal, et celluy de Tournay. Au dessoubz la ducesse de Bethfort, le nepveu de ladicte dame; après luy, au dessoubz, la douagière de Namur ; et puis, tout au dessoubz, la dame de Beaurevoir; et sus ladicte table avoit trois riches nefz d'or et d'argent pour mectre ausmosnes : l'une servoit devant ladicte dame, l'autre devant la régente, et la tierce devant l'infand don Férande. Quant à la seconde table où séoyent les dames, il n'y eult point parfaicte ordonnance, pour la presse de la gent qui y vindrent trop habundamment, et se y remurent pluiseurs dames que on sist où on peult trouver place.

Sy séoit première madame de Beausegny, et puis la séneschale de Haynnau, puis la dame d'Antoing, la dame de Beauvergier, la dame femme de messire Phelippe de Montmorensy , la dame de Santés ; et toutes celles venant de Portingal furent toutes à une table ensembles. Au service, devant les metz de la grant table, alloient pluiseurs grans seigneurs, telz que l'évesque de Liège, le seigneur d'Enghien, messire Jehan de Luxembourg, le seigneur d'Antoing, le conte de Bosquenehen, et bien xx chevaliers de l'ostel du duc.

Et créés que c'estoit bel a veoir celle noble compaignie et ordonnance. A chascun metz avoit entremets, et à chascun plat ung dont le premier fut une dame et ung préau, large plus que n'est ung grant plat. Et tenoit icelle dame une banière en sa main armoyée des armes du duc ; et à l'autre main menoit une licorne vestue d'ung manteau ainsi armoyé. A chascun plat du second metz y avoit dames qui tenoient, en l'une des mains, petis penonceaulx armoyez des armes dessus dictes, et, à l'autre main menoient chynes enmantelez desdictes armes pareillement. Au tiers metz y avoit hommes sauvages à cheval sur pourceletz rostiz, ainsi armoyez des armes dessus dictes. Au quart metz hault chasteaulx quarrez à iiij tours, et au millieu une grosse tour, là où il avoit sur la terraisse ung homme sauvage tenant une banière des armes du duc ; et, à chascune des quatre tours sur la terrasse, une dame tenant ung penon armoié des armes de ses pays.

Et en fin, y eult ung grant entremets d'ung grant pasté où il y avoit ung mouton tout vif taint en bleu, et les cornes dorées de fin or. Et icelluy pasté avoit une homme nommé Hansse, le plus appert homme que on sceult, vestu en habit de beste sauvage. Et, quant le pasté fut ouvert, le mouton sailly en bas, et l'homme sur le bout de la table, et alla au long de l'apuye du bancq luiter et riber à madame d'Or, une moult, gracieuse folle et qui bien savoit estre, qui estoit assize au milieu des deux grans dames, aussi hault que l'appuyé du bancq ; et en luittier et riber firent moult d'esbattemens. Et d'aultre part, pensez que assez y eult d'esbattemens aultres, tant de trompettes, mènes-

treux et de moult diverses instrumens ; et estoit près de vespre avant que on eust disné.

Après le disner, et les grâces dictes, les dames se retrayerent et prinrent nouveaulx habis ; aussy se muèrent tous les seigneurs et chevaliers d'abis, pareillement par deux ou trois foiz. Sy y eult xxj chevaliers, qui estoient de la compaignie du duc, vestus paraulx de robes et heucques chargies d'orphaverie, riches et pesantes, et danssèrent jusques après minuyt que on fist cryer, qui estoit près du jour, unes joutes pour l'endemain ; puis se fist le bancquet.

Le lendemain, joustèrent moult radement sur le marchié de Bruges, où on joustoit à iij rengz; et durèrent les joustes le lundy, mardy, merquedy et jeudy. Sy se reposèrent le vendredy, et tousjours y eult pris d'armes pour la jouste aux chevaliers et escuiers de dehors et de dedens. Sy y eult de moult grans danssereis, et de moult grans estatz faiz, tant d'abis chambgier que autrement , mesmement pages et officiers du duc, tous iceulx jours, muer d'abis, tous chargié d'orphaverie, corps et mances de drap de soye, de fourures, tant richement que on ne pourroit penser. Pour le premier jour, à la jouste, le conte de Bocquenehen fourjousta de dehors et eult pour le pris ung fremail d'or. Gomme chevalier et escuier de dehors fut Vaincque de Mol ; si eult, pour son pris, ung rubis. Le chevalier qui fourjousta dedens fut monseigneur de Gréquy, se eult une chaine d'or; et l'escuier de dedens fut Andrieu de Thoulonjon, se eult ung dyamant.

Au second jour, pour le chevalier de dehors, le duc eult ung riche dyamant ; et l'escuier de dehors fut

Pierre de Vandre, et eult ung fremail d'or ; et pour le chevalier de dedens le conte de Blancquenehen , et eult ung dyamant, et l'escuier parlant ung fremail d'or. Le tiers jour, pour le chevalier de dehors, monseigneur de Créquy, ung rubis ; l'escuier, Henry d'Opem, ung fremail d'or; le chevalier de dedens, le seigneur de Groy, ung rubis; l'escuier, Anthoine de Villers, ung fremail d'or. Le iiije jour, n'y eult que deulx pris, dont le mieulx faisant de dehors fut messire Jehan Valsque, chevalier de Portingal; sy eult ung rubis; et dedens, le seigneur de Bussy, sy eult ung dyamant. Le samedy se firent une joustes à l'usage de Portingal, que les Portingallois firent sans donner pris. Et furent abatues toutes les liches qui estoient faictes sur la place : sy firent une seulle liche à travers, de fort marien, haulte jusque aux espaulles des chevaulx, et furent tendues de drap bleu tout au long. Et, en la fin de la jouste, demora icelluy drap aux cocquins par pièces et bendeaulx; et joustoient ainsi, au long de la lisse, l'un d'un costé et l'aultre de l'autre, à escus couvers de fin achier, et les heaulmes à la façon en selles de guerre. Et n'y eult que deulx ou trois estrangiers contre eulx, et dura la jouste assez longhement, à peu rompre de bois; car les roches ne povoient prendre sur les escus et harnois, nonobstant qu'ilz y mectoient grant peine; et furent assez richement habilliez à l'usage de leur pays.

Le merquedy, iije jour des espousailles, au vespre, que encoires joustoit-on, vint la ducesse de Glèves, et amenoit avec elle deux de ses filz. Le damoiseau de Clèves, son filz, estoit avec le duc; lequel alla au devant de ladicte dame, en la compaignie du duc, qui

y alla à grant foison de barronnie. Sy entra ainsi l noblement acompagnie, sur le vespre, à cheval, moult honnourablement à grant foison de torches.

Le dimence, xvje 2 jour dudit mois, se firent joustes pareilles à celles de samedy ; et y eult vj jousteurs des pays du duc, avecceulx dePortingal. Et, en ce point, se conclud ladicte feste et solempnité qui fut tant riche et honnourabie que mémoire en doit estre à tousjours ; car je croy que oncques ne furent veucs tant de riches robes de drap d'or et orphaverie que en icelle feste. Et, qui soit vray, il y eult pluiseurs, tant seigneurs que dames, qui firent faire tant de robes de riches drap d'or tissus, sans celles d'orphaverie, que les ungs en avoient, pour leurs corps, xx; les aultres xvj, xij, x; et le moins estoit de v et de vj, voire si riches que nul ne le pourroit croire, qui ne l'aroit veu.

Et quant au duc, sans les draps d'or, il y aloua, tant pour son corps que pour ceulx qu'il vestit pareil de lui, pour ses paiges et ceulx de l'escuierie3, qui tous les jours eulrent nouveaulx habillemens, plus de vjc marcz d'argent4. Et si furent tous ses serviteurs vestus de drap de damas et de satin. Et, comme je oy dire, icelle année que le duc espousa ladicte dame