CHAPITRE CLX1II

Comment madame Ysabel de Portingal arriva à Lescluse en Flandi*es où elle fut honnourablementreceue. De la solempiité et [este des noyces du duc et d'elle, qui se tint à Bruges; et de joustes et esbatemens qui se y feirent; et des seigneurs et dames qui se trouvèrent à la dicte feste.

Après icelle belle feste acomplie et la response faicte aux ambassadeurs du duc , le roy Jehan de Portingal fut content du mariage, et envoya sa dicte tille, dame Ysabel, grandement et honnourablement, à compaignie de l'infandon Férand, frère de ladicte dame, le conte d'Orin et pluiseurs aultres grans seigneurs, dames et damoiselles, devers le duc. Laquelle dame, arriva au port de Lescluse en Flandres, en décembre mil iiijcxxix, où elle fut bien et honnourablement receue ; et là elle fut environ viij jours, pour elle et ses gens ung peu refaire de la maladie de la mer ; car ilz eulrent tourment merveilleux, et tant que pluiseurs

1. Il doit être ici question des chroniques composées par Azurara, au temps même des expéditions d'Alphonse V en Afrique, et par ses ordres. Seulement on est porté à se demander si Saint- Remy avait pu les connaître. La première de ces expéditions avait eu lieu en 1458, la seconde en 1463; elles avaient sans doute déjà rendu Alphonse glorieux, du vivant de Saint-Remy. Mais il y en eut une troisième, en 1471, alors que S.-R. n'existait plus.

des navires laissèrent l'un l'autre, dont les ungs arivèrent en Angleterre, les aultres en Bretaingne. Mais, par la grâce de Dieu, tout retourna à Lescluse. Après que ladicte dame eult séjourné à Lescluze, elle entra à Bruges le viije jour du mois de janvier, l'an mil iiijc xxix. Mais, avant son entrée, il fault parler de l'ostel du duc à Bruges, où les nopces se firent, comme il estoit ordonné. Il est vray que pluiseurs et notables édiffices se firent oudit hostel dont les aucuns estoient à estre mis sur les aultres à durer ; et pour engrandir ledit hostel, y fut applicquie une rue tenant audit hostel pour y ordonner pluiseurs offices ; laquelle rue fut murée aux deux boutz.

Or, fault parler dudit hostel. Il est vray que dedens la machonnerie du mur dudit hostel, au dehors, sur la grant rue, fut ung moult bel et grant lyon de fust, très richement point et ordonné pour tousjours durer, acroupis. Et tenoit en l'une de ses pattes de devant ung fusil, et en l'autre une pierre; et de celle pierre sourdoit vin blancq et vermeil par certains artifices, et chéoit devant luy en ung grant bachin assez hault, habandonné à prendre de tous ceulx et celles qui venir y vouldroient. Et y fut celle course devin durant jour et nuyt de la feste.

Dedens ledit hostel, enmy la court, y avoit fait ung cerf pariellement encassé en ung mur, pour y laissier à tousjours ; lequel tenoit une fiolle en sa patte et rendoit fin ypocras à tous venans, qui chéoit devant lui en ung grant bachin; et estoit moult richement ordonné dedens une grant salle faicte de fuste, toute neufve, dont on parlera cy après. Il y avoit pareillement faicte une licorne bien grande et richement

ouvrée, qui portoit en son front devant une licorne fine toute entière d'une pièce ; laquelle avoit de longueur entre vij à viij piez, qui par une petitte ampollette qu'elle tenoit en sa patte devant elle, rendoit fine eaue rose chéant devant luy, comme dit est, en ung bachin, là où se povoient tous ceulx et celles rafreschir, qui là danssèrent ou servirent.

Dedens l'ostel furent faiz pluiseurs beaulx édiffices, lesquelz ont esté abattus : c'est assavoir, iij grandes cuisines, iij rostisseries, grandes et plentureuses, syx dreschois pour les viandes recevoir ; les ungs pour potages, aultres pour boullis, aultres pour gellées, aultres pour rostz, aultres pour pâticheries, aultres pour fruis et entremetz ; et, sur tous, ung grant et principal auquel tous les aultres respondoient. Et, avec ce fut faicte neufve, pour abattre, une grande salle de fust qui avoit cent et xlvj piez de loing, de largeur lxxiij ; et à l'un des boutz y avoit une moult belle grande cheminée, et à l'autre de boutz estoient les portes et entrées ; laquelle salle estoit moult bien et richement parée. Et à chascun costé de la salle, ung drescheoir, dont chascun portoit xx piez de long, et si estoient sur deux pas de hault, et estoient très bien enclos d'aiselles de iiij piet de hault ; et au costé ung petit huis pour y entrer et yssyr; et portoit, chascun dreschoir, cincq estages de haulteur, chascun de deux piez et demy de hault.

Dedens ladicte salle avoit deseure une chambre de parement, faicte pareillement pour abattre ; dedens laquelle chambre avoit ung lit qui portoit dix-huit piez de long et xij de leet. Par icelle chambre entroiton dedens le grant hostel ancien. Dedens la dicte

salle, y a voit fait ung moult bel hourdys et hault sur l'un des costez, là où les héraulx se tenoient pour regarder les estatz et pour cryer les festes. Et là jouoient les trompectes et ménesteux pour dansses. En icelluy eschauffault povoient bien entrer Ix hommes. Le comble tous de la salle estoit tendu par dedens, depuis les pennes jusques à la festissure, de drap neuf de trois couleurs ; c'est assavoir, vermeil, bleu et blancq ; et tous semés de la devise du duc estoit de fusilz à pierres emflambées. Et au montant de la salle, au milieu, y avoit atachié ung arbre bien branchu, doré moult richement en ung moult bel et rice préau ; auquel arbre doré pendoient grans escus armoyé des armes des seignouries et pays du duc; et, ou milieu, celles du duc. Et sur le comble de ladicte salle, par dehors, y avoit assisses grandes banières des armes des pays du duc. Sur le dreschoir, les trois estages estoient couvers et chargiés de vaisselle fine d'or, et les deux estages d'embas de moult riches vaisselle d'argent dorée, par grans vasseaulx.

Et au milieu de la salle y avoit chandeliers croisiez de fust pendans, emplis de torchins de chire, que faisoit moult bel veoir ardoir par nuyt. La chappelle, la grant salle anchienne et toutes les chambres, celle de madame de Bethfort, et toutes les aultres communes et non communes, furent tant richement tendus de tappiserie que cestoit ung grant merveille à pensser. Et en aucunes chambres et salles, là où il appertenoit, grans dreschoirs chargiés de vaisselles d'or et d'argent par grant abondance; et, par tout l'ostel, servis à toutes les heures, disners et souppers, tous en vais-

selle d'argent; et toujours demouroient lesdis dreschoirs furnis, tant que c'estoit grant noblesse.

Or, fault parler de ceulx qui vindrent en ladicte ville de Bruges, pour estre à icelle noble feste. Vray est que il y vint pluiseurs gratis seigneurs et barrons, nobles chevaliers et escuiers, dames et damoiselles, dont je me passe en brief. Car on peult assez savoir et croire leur grant puissance et estatz; telz que le conte de Conversen, qui depuis fut conte de Saint- Pol, et ses deux enffans: l'évesque de Liège; le conte de Blanquenehen ; Messire Jehan de Luxembourg, qui depuis fut conte de Liney et de Guise; le seigneur d'Antoing ; le seigneur de Préaulx ; le vidame d'Amiens ; le seigneur de Montagu et pluiseurs aultres, tant de Bourgoigne, de Picardie, de Flandres, de Hollande, de Zellande, que de ailleurs.

Après, fault parler des dames. Et premiers, madame Anne de Bourgoingne , ducesse de Bethfort, femme et espeuse du régent de France, pour lors; laquelle dame estoit tenue l'une des gracieuses du monde. Sy fault croire que, en grant estât de chevaliers, escuiers, dames et damoiselles et tous habillemens telz que à princesse appertenoient, elle estoit aournée et furnie. La contesse de Namur, douagière, y vint à moult bel estât grandement à compaignie de chevaliers et escuiers, tous vestus de sa livrée de drap de sathin, noir, ouvrés d'orphaverie, ou nombre de cent chevaulx ou plus, moult bien acompaignie aussi de dames et damoiselles, vestues pareillement chascune selon son estât ; et la compaignoit la dame de Santés, à tout ung chariot et environ xvj chevaulx,

ses gens parés de la livrée du seigneur de Santés. La dame de Beaurevoir, femme de messire Jehan de Luxembourg, y entra le vendredy vje jour de janvier, moult noblement acompaignie de chevaliers, escuiers, au nombre de vjxx chevaulx. Elle estoit en ung chariot moult rice, tout garny et couvert de drap d'or ; et, ensuivant après, vj gentilz femmes sur hacqhenées moult bien parées, et deux varletz sur deux chevaulx menans deux hacquenées en main. La dame d'Antoing vint grandement à compaignie, à iiijxx chevaulx menans deux hacquenées en main par deux varletz. Sy estoit en sa compaignie la dame de Groisilles, sa nièpce, et estoit ladicte dame de Croisilles à cheval, a compaignie de v dames et damoiselles moult richement habilitées et grant foison de chevaliers, escuiers et aultres portans la livrée du seigneur d'Antoing, robes vermeilles bien broudées. La séneschale de Haynnau vint ledit jour bien acompaignie, au nombre de iiijxx chevaulx, ou environ, dont il y avoit pluiseurs notables chevaliers, escuiers, dames et damoiselles, parez de sa livrée moult hounourablement. Après, vindrent pluiseurs dames et damoiselles du pays de Flandres, en grans estatz, dont je ne faiz icy mémoire; car, de tout leur estât racompter, la matière seroit trop longue.

Le samedy, vije jour de janvier, le duc espousa en la ville de Lescluze madicte dame Elisabeth de Portingal, et n'y eult pas grans estatz ne sérimonies faictes aux espousages, fors que il y eult aucuns de ses princes, seigneurs et barons ; et, de par la dame, pareillement y estoient son frère l'infand don Férand, le conte d'Orin, nepveu de ladicte dame, l'évesque

d'Evre en PortingaJ. Sy y avoit d'aultres seigneurs et barrons ; assavoir, don Sansse, donFerrande de Menèse, don Ferrande de Castre, don Jehan de Castre, et pluiseurs aultres nobles grans seigneurs et escuiers. Sy y avoit pluiseurs nobles dames et damoiselles venant dudit pays de Portingal, au nombre de xx ou xxiiij ; somme toute, tant seigneurs que aultres gens, ijm ou environ, et la plus grant partie vestus de la livrée de ladicte dame ; robes bleues broudées bien ricement de sa devise.

Le dimence au matin ensuivant, viije jour dudit mois, ladicte dame se mist sur l'eaue accompaignie de ses gens en vj vaisseaulx bien ordonnez et habilliés, armoyez dudit pays de Portingal ; et arriva au dehors de Bruges, joindant la porte, à ix heures du matin. Sy allèrent au devant les collèges et processions. Peuple y estoit grant. Ceulx de Bruges, de Gand, et d'aultres bonnes villes de Flandres, y estoient en moult grant estât et magnificence ; et allèrent au devant de ladicte dame tous les nobles seigneurs du pays de dehors, qui estoient venus à la feste. Mais, ce ne povoit durer longuement en ordonnance qu'il les convenoit retraire, pour la grant presse qui y estoit. Là, il y avoit ung chariot pendant, moult richement doré, couvert de drap d'or, que la régente de France, seur du duc, avoit envoyé et fait présent à madicte dame, dont on disoit pour vray que, es pommeaulx dudit chariot, avoit plus de cent marcz d'argent doré et esmaillié moult richement.

Il y avoit aussi une moult riche litière faicte neufve, tant ricement dorée que il n'estoit point à pensser; surquoy ladicte dame monta seule, adournée à l'usage

de France, accompaignie de toute gentilesse allant à piet d'ung costé et d'autre, tenant laditte dame et les deux destriers qui portoient ladicte littière sans nulle gens à cheval, si non deulx d'ont l'un fut don Ferrande, son frère, et le seigneur de Roubais, pour ce qu'il ne povoit aller à piet; car, aultrement, ne fustil pas de cheval. Et puis, derrière, grans foison chevaliers et escuiers; et tous les barrons, chevaliers et escuiers de Portingal alloient à piet, pareillement roy d'armes, trompectes, héraulx et ménestreux qui ainsi le conduirent jusques à l'ostel du duc. Et fut sur le chemin, parmy la ville, près de deux heures avant qu'elle fust descendue dedens l'ostel du duc, pour cause de la grant presse de peuple qui lors estoit dedens la ville.

Tout au long de la ville, les rues estoient parées de drap vermeil sans nulle aultre couleur, et tous les mestiers mis en ordonnance, de degré en degré, moult notablement et à grant nombre de gens; et avoient leurs trompectes d'argent, comme il est acoustumé, de quarfour en quarfour ; et à chascune compaignie les grans pot d'argent emplis de vin pour eulx refreschir, qui sont lij mestiers, ausquelz y avoit par nombre cent et 1 trompectes d'argent sans les aultres instrumens, qui faisoient moult grant esbaudissement par la ville. Et par dedens le marchié, depuis ung bout jusques à l'autre, y avoit faitte une neufve rue de hault hourdis tout chargie de peuple, et tout au long d'icelle rue, et de là jusques à l'ostel du duc, estoient en ordonnance archiers et arbalestriers. Et auprès de la porte y avoit, toute en une compaignie, lxxvj trom-

pectes qui toutes blandissoient l en une foiz. Et ainsi entra madicte dame en l'ostel du duc, son seigneur et mary. Ladicte dame entra dedens la court et alla jusques au piet des degrez en l'anchienne salle, et là descendit; là où le vint bienvegnier la ducesse de Bethfort, régente, à compaignie moult grandement des nobles dames et damoiselles [tant de celles]2 de son hostel, comme de celles qui estoient venues à ladicte feste, Sy entrèrent en la chappelle où le service divin fut notablement et révéramment fait3.

Après, les dames se rafreschirent et prinrent nouveaux habis et adornemens de plus nobles en plus nobles; et puis, par ladicte grand chambre neufve, la dame entra dedens ladicte salle. Si la menoient son frère et son nepveu dessusdis; et puis le sieuvoient toutes les dames amenées de son pays. Et fut ainsi une espasse dedens ladicte salle ; et puis y vint, ung peu de temps après, la ducesse de Bethfort acompaignie moult grandement. Une petite espasse après, vint le duc moult grandement acompaignié des seigneurs, barons, et chevaliers moult richement aournés et habilliés de tant riches habis et joyaulx que merveilles seroit à racompter; et n'y aresta guaires, depuis qu'il