Philippe est une faute dans Buchon

2. C'est « Pont L'Ëvesque » ; mais notre ms. offre ici une ancienne forme de ce mot, qu'il est bon de conserver.

ii 12

près de la cité de Noyon ; et estoit ledit passage gardé de deux vaillans chevaliers d'Angleterre. Et en icelluy s'estoient les adversaires du duc assemblez en grant nombre pour combattre le duc ; et là estoit Jehenne la Pucelle, laquelle estoit comme chief de la guerre du roy, adversaires pour lors du duc. Et créoient les adversaires qu'elle mecteroit les guerres à fin ; car elle disoit que il luy estoit révélé de la bouche de Dieu et d'aucuns Sains.

Sy conclurent lesdis adversaires d'aller ruer sur ceulx qui gardoient ledit pont; et de fait les allèrent assaillir très radement. Mais lesdis chevaliers dessusdis se deffendirent sy vaillamment que les ennemis ne les peurent grever; et aussi le seigneur de Saveuses et aultres des gens du duc les vindrent aidier et secourir en toute diligence ; et y eult grant foison de navrez d'un costé et d'aultre. Et ne firent lesdis adversaires aultre chose pour l'eure, ains retournèrent chascun en leurs villes et forteresses, et les chevaliers demourèrent gardant ledit pont, tant que le duc fut devant ledit Pont à Ghoissy, où il fut x jours, et s'en fuyrent ceulx de ladicte places. Et tantost après que le duc eust print ledit Pont à Ghoisy, repassa ledit pont et rivière et se loga à une lieue près de Gompeigne, et son ost es villages près de ladicte ville.

Et, ainsi que le duc ordonnoit ses gens pour mectre son siège devant ladicte ville de Gompeigne, qui est grosse et grande ville, de grant tour et enclose, en partie, de deux rivières d'Oise et d'Enne, qui assemblent devant ladicte ville , ou assez près (et estoit capitaine de ladicte ville de Gompiengne ung escuier nommé Guillame de Flavy, lequel faisoit de grans

maulx es pays du duc), adont vint en la ville de Compiègne la Pucelle par nuyt, et y fut deux nuys et ung jour. Et, au deuzième jour, dist qu'elle avoit eu révélacion de Dieu qu'elle mecteroit à desconfiture les Bourguignons. Sy fist fermer les portes de ladicte ville et assembla ses gens et ceulx de la ville, et leur dist la révélacion qui luy estoit faicte, comme elle disoit; c'est assavoir, que Dieu luy avoit fait dire par saincte Catherine qu'elle yssist ce jour allencontre de ses ennemis et qu'elle desconfîroyt le duc, et seroit prins de sa personne et tous ses gens prins mort et mis en fuicte; et que de ce ne faisoit nulle doubte.

Or, est vray que, par la créance que les gens de son party avoient en elle, le crurent; et furent, ce jour, les portes fermées jusques environ deux heures après midy que la Pucelle yssit, montée sur un très beau ' coursier, très bien armée de plain harnois, et par dessus une riche heucque de drap d'or vermeil ; et, après elle, son estandart, et tous les gens de guerre estans en la ville de Gompeigne. Et s'en allèrent en belle ordonnance assaillir les gens des premiers logis du duc. Là estoit ung vaillant chevalier nommé Baudot de Noyelle, qui depuis fut chevalier de la Thoison d'or, lequel, lui et ses gens, se deffendirent moult vaillamment, non obstant qu'ilz furent sousprins. Et, pendant l'assault, le conte de Ligny, en sa compaignie le seigneur de Gréquy, tous deux chevaliers de l'ordre de la Thoison d'or, à bien petit nombre de gens, se mirent à approchier la Pucelle et ses gens; laquelle, pour la résistence qu'elle avoit trouvé au