CHAPITRE CLXVII

Comment les Liégois commencèrent la guerre contre les Namwois, boutant feux en pluiseurs lieux.

En icelluy temps, le duc estant devant Gompeigne,

\. Monstrelet dit, au contraire, que « le duc ala [la] veoir ou o Logis où elle estoit »; et il ajoute que, lui-même, il étoit présent.

tirent les Liégois, qui avoient abstinence de guerre du duc, à certain temps dit, pluiseurs assemblées ensemble ; et tînablement, conclurent de eulx mectre en armes à puissance, et aller destruire la conté de Namur, sans luy mander le dédit de la guerre. Et se mirent sus. Et commencèrent à bouter feux en pluiseurs lieulx, et prinrent le chastel de Beaufort que par ung nommé Henry de Gennes avoit esté abandonné.

Ces choses venues à la congnoissance du duc, luy estant devant Gompeigne, par bonne discrécion et délibéracion de conseil , fut ordonné que le seigneur de Croy yroit à Namur, pour résister allencontre desdis Liégois, en nombre de vij à viijc combatans1. Et arriva en la ville Namur le xvje de juing, et trouva ceulx de la ville et du pays entour moult desconfortez; combien que iceulx Liégois ne tenoient encoires les champs à puissance.