M. P. n'a pas le mot combatans

amenèrent avec eulx environ deux mille combatans. Et adont, les deux chevaliers d'Angleterre, qui gardèrent le pont, dont dessus est parlé, s'en allèrent à Paris; et durant icelluy siège de Compiègne fut le siège mis devant la ville de Vitery, des adversaires du duc. Ce venu à sa congnoissance, par délibéracion du conseil, y envoya le conte de Ligney, qui pour lors estoit en la compaignie du duc, pour lever ledit siège de Vitrey ; mais, ains qu'il y peust venir, la ville lut rendue aux adversaires. Se, retourna le conte de Ligney parmy le pays de Lannois ' , pour lors adversaires du duc, et y fîst de grans gastz ; et mist le siège devant la ville de Creppy en Lannoy , et luy fut rendue. Et de là, en retournant audit siège de Gompeigne, fut devant la cité de Soissons, et fîst tant que ladicle cité luy lîst obéissance pour et ou nom du duc, et luy fut rendue.