CHAPITRE GLXIX

Du tr es-pas du duc Phelippes de Brabant, et comment le duc de Bourgoingne print la possession de ladicte duchie. De pluiseurs faitz d'armes qui se feirent durant le siège de Compiègne, et comment il fut délaissié.

Or est vray que, le XVe jour du mois d'aoust, vindrent nouvelles au duc que Phelippe, duc de Brabant, son cousin germain, estoit allé de vie à trespas; et,

I . « y envoya le comte de Ligny — parmv le pavs de Lannois. » M. P.

pour icelle cause, se partit le duc de son logis pour aller audit pays de Brabant ; lequel pays, par le trespas de sondit cousin, lui estoit escheu. Pourquoy, il alla prendre la possession dudit pays, et ordonna le conte de Ligney comme chief dudit logis de Compeigne. Et si demourèrent les deux contes d'Angleterre dessus nommez; et estoient de iij à iiijm combattans.

Ou mois de septembre ensuivant, après le parlement du duc, le conte de Ligney, messire Hues de Lannoy, le seigneur de Gréquy, et pluiseurs aultres , passèrent la rivière d'Oise assez prez de Gompiengne, à ung pont fait de batteaulx, pour asségier ladicte ville; car encoires n'estoit-elle point asségée, ne n'y avoit logis l que d'un costé , et par bastilles assez près de la ville bien garnie de gens de guerre. Les deux contes d'Angleterre ne se bougèrent de leur logis, lequel estoit à ung village nommé Venettes, à ung quart de lieue de la ville. Et quant lesdis chevaliers furent passez ladicte rivière, ilz advisèrent que, à si petit nombre de gens que ilz estoient, veu le grant tour de la ville, ilz ne povoient asségier ladicte ville tout atour. Sy ordonnèrent à faire une bastille devant la plus forte porte de la ville du costez de la forestz, là où les advenues des adversaires estoient, tant de ravitaillemens que d'avoir secours.

Sy fut icelle bastille faicte et dreschie devant icelle porte et gardée par le seigneur de Gréquy et messire Florimont de Brimeu, chevaliers de l'ordre de la Thoison d'or; et là y eult maintes belles escarmuches, et de grans armes faictes à dreschier ledit bastillon