CHAPITRE CLXXII

De testât que le duc de Bourgongne tint en la ville de Bruxelles; et des nouvelles du tr es-pas de son cousin, le prince de Piedmont.

L'an mil iiijcxxxj, en la bonne ville de Bruxelles en Brabant, le jour de Tous les Sains, au disner, le duc et la ducesse tindrent leur estât moult honnourablement, acompaigniez de très révérendz pères en Dieu les prélatz qui s'ensuit : assavoir, l'archevesque de Couloingne, l'évesque de Cambray, l'évesque d'Amiens, et pluiseurs aultres abbés et prélatz, et de grans, haulx, et notables seigneurs, contes, barrons, chevaliers et escuiers; présent lesquelz il vault monstrer la bonne intencion et vouloir qu'il avoit des ordonnances faire appertenant à ladicte ordre de la Thoison d'or. Sy est ainsi que, à icelle journée, le duc ne tint point Testât en sa personne, pour les nouvelle3 qu'il