CHAPITRE CLXXIL

Du pardon que le duc feit aux Casseloix pour leurs rébellions; et comment il en feit exécuter, et remist le pays en justice.

Le iiije jour de janvier, an dessusdit, se party le duc de Breuxelles et s'en alla à Saint-Omer, pour résister allencontre de ceulx de Cassel qui s'estoient rebellez à ses officiers ; et là assembla une belle et grande armée. Et quant le duc ot ses seigneurs et gens prestz pour entrer ou pays de Cassel, ilz envoyèrent de vers le duc en lui priant qu'il les vaulsissent prendre à mercy. Sy les receupt le duc par ainsi qu'il les averoit à sa voulenté, sans riens réserver, et que tous les hommes dudit pays de Cassel, au dessus de xv ans et au dessoubz de xl, venroient hors de leurdit pays, la teste nue, deschains1, et nudz piet; et les gens d'église

1 . Buchon a « deschaulx » ; et quelques lignes plus bas, notre manuscrit ne répétera pas deschains, mais il portera aussi deschaulx. Cependant deschains est à conserver. C'est l'attitude suppliante dans laquelle Monstrelet représente les Brughelins devant le duc de Bourgogne, en 1440 : « nuds pies, sans chapperons, et tous des- « çains ». Liv. II, ch. 253. — « Et le Gst desceindre et deschau- « cier ». Récits d'un Ménestrel de Reims, § 328, publiés par 31. N. de Wailly.

revestus, à tout croix, banières et eaue benoiste; et avec ce porteroient tous leurs habillemens de guerre eu quelque lieu que il plairoit au duc. Sy fut ainsi fait, et se rendirent, ainsi que dessus est dit, et yssirent hors de leurdit pays et vindrent en leur place, à une lieue près de Saint-Omcr, en tel estât que dessus est dit, nommée ladicte place le Neuf Fossez. Sy fistce jour si très horrible temps de vent et de pluie qu'il n'estoit homme qui peust durer aux champs. Et en icelluy jour eult, en la ville de Saint-Omer, maintes église et maison descouvertes du très horrible temps qu'il faisoit.

Et, quant les dessusdis de Gassel furent arrivez en ladicte place, sy se mirent en belle battaille les gens d'église, comme dessus est dit, revestus, et tous, les testes nues, deschaulx et nudz piedz, nombres environ xxxm hommes. Et quant le duc sceult leur venue, il alla vers eulx à tout son armée; et tantost qu'ilz le perçeurent, ilz se mirent à genoulx. Sy passoient les gros ruisseaulx d'eaue, parmy eulx, de la pluye, tellement que c'estoit grant pittié à veoir. Et lors vint le prévost de l'église de Saint-Omer, et Andrieu de Toulonjon, de par madame la ducesse, qui se mirent à genoulx en l'eaue et la boë devant le duc, en luy priant, de par madame la duchesse, qu'il luy pleust à pardonner le meffait aux dessusdis Gasseloix. Sy les reçeut à mercy et leur pardonna leur meffait, réservé à vj qui eulrent les testes coppées en ladicte ville de Gassel.

Après toutes ces choses, donna le duc congié à toutes ses gens d'armes, et s'en alla en ladicte ville de Cassel, là où il fîst morir par justice les vj hommes dessusdis, et remist le pays en paix et en justice.

Lequel pays1 avoit esté bien deux ans, ou environ, en discention et guerre, et sans justice. Et ces choses t'aictes, s'en alla le duc en sa bonne ville d'Yppre en Flandres. [En laquelle ville il ne séjourna guaires qu'il s'en retourna à Brouxelles en Brabant, là où il avoit laissié madame la ducesse2.]