CHAPITRE CLXXV

De la première feste de V ordre de la Thoison d'or, que le duc de Bourgoingne tint à Lille ; et des cérimonies observées à ladicte feste.

Sy est ainsi, que la nuyt Saint-Andrieu, à l'eure de vespres, le duc acompaignié de xviij de ses compaignons dudit ordre, furent vestus de robes vermeilles, fourées de gris, longhes jusques de soubz les genoulx, et, par dessus, grans et longz manteaulx de ladicte couleur, de fine escarlatte, bordés de riches orfrois de fin or, grans et larges, et ouvrez à la façon de fusilz, comme le duc les porte. Et estoient fourez de menus vairs, moult richement. Et par dessus, ilz portoient chapperons de pareil drap, à longes cocquilles, doublées à l'usage anchien ; et par dessus iceulx habis ilz portoient le colier de ladicte ordre à descouvert.

Or, est-il vray que le duc et ses compaignons se mirent en ordonnance, à l'eure de vespres, en la grant salle, deux à deux ensemble, et le duc tout derrière eulx, vestus et parés comme dit est. Sy s'en partirent et vindrent à la porte dudit hostel, où leur vindrent au devant les processions moult révéramment et sol-

lennellement; et s'en allèrent ainsi, tenant leur ordonnance, les sainctes processions devant eulx, jusques à l'église de Saint-Pierre, où ilz entrèrent dedens le ceur, et se seirent en leurs sièges parés moult richement et notablement ordonnez, comme cy après s'ensuit.

Tout le ceur de ladicte église estoit, hault et bas, parez et tendus de fines et riches tappiseries tissus à or, et tous les sièges pareillement. Sy estoit, par dessus le siège du duc, ung tableau armoyez de ses armes, de hachement de son ordre et devise. Et pareillement, aux deux costez du ceur, es haultes fourmes, estoient les sièges où se seyrent lesdis seigneurs de l'ordre : et, par dessus chascun siège, tableaulx armoyez des armes, hachemens, ordre, noms et tiltres d'iceulx chevaliers. Et, par leurs armes, chascun chevaliers scet où il doit seoir ; et, quant l'un d'iceulx chevaliers sont allez de vie à trespas, on met en leur siège ung drap noir où ses armes sont, comme toutes ces choses sont bien à plain déclarées es cappitres de ladicte ordre.

Or fault parler de ceulx qui furent en ladicte ordre, en personne, à la première feste. Sy y furent le seigneur de Roubaix, messire Anthoine de Vergy, messire Hue de Lannoy, messire Anthoine de Thoulonjon, le seigneur de Jonvelle, le seigneur de Groy, messire Jacques de Brimeu1, messire Jean de Groy. Au sénestre costé estoient assis, au plus près du prince, messire

1. Saint-Remy, ou du moins nos manuscrits, oublient sans doute ici Pierre de Beffromont (Bauffremont), seigneur de Charny, dont c'est la place dans le rang des chevaliers à la droite du duc, et sans lequel ce rang ni l'ordre ne seraient pas complets.

Rollant d'Utkerque, messire David de Brimeu, le seigneur de Commines, messire Guillebert de Lannoy, le seigneur de Lille Adam, le seigneur Florimont de Brimeu, Le Besque de Lannoy, le seigneur de Ternant et le seigneur de Créquy. Et par procureur, le seigneur de Saint-George, messire Renier Pot, le conte de Saint-Pol, le conte de Ligney; et le seigneur de Mamines estoit allé de vie à trespas, pour laquelle cause son siège estoit couvert d'ung drap noir, et dessus icelluy drap ses armes1. Et là se tindrent honnourablement jusques à tant que le saint service fut faicte ; et après vespres chantées se levèrent lesdis seigneurs, les plus josnes devant, deux et deux, par devant le prince et souverain de ladicte ordre, en le revérendant. Sy revindrent ainsi en belle ordonnance jusques à l'ostel du duc, dont ilz estoient partis ; et là entrèrent tous en une chambre, là où ilz dévestirent leurs manteaulx ; et plus n'en fut, ce jour, fait.

Or est vray que, par grant délibéracion de conseil, le duc et les seigneurs dudit ordre avoient institué, fait et ordonné quatre hommes, officiers à eulx, dont le mémoires s'ensievent : c'est assavoir, ung chancellier, pour eulx servir en ladicte noble ordre, fait par ung très notable docteur en théologie, famillier du duc, appelle maistre Jehan Germain, esleu évesque de Nevers; le second, pour leur greffier et secrétaire,

1. Il faut remarquer, pour la seconde fois, que Saiut-Remy ne nomme pas, au nombre de ces chevaliers de l'ordre, Jean de • Neufchâtel, seigneur de Montaigu; mais alors il s'en trouvait exclu, comme il sera dit au chapitre clxxviii; seulement il n'était pas encore remplacé. Le seigneur de Mamines était mort à Namur, en septembre 1430, dans une épidémie.

ung notable homme, appelle maistre Jehan Imber, famillier et officiers du duc ; ung aultre, pour leur trésorier, d'ung très puissant et riche homme, pareillement famillier et officier du duc, appelle Guy Guillebault. Et, d'un notable et souffissant hérault, appelle Charrolois, lequel estoit aussi au duc, icelluy firent leur roy d'armes, et le nommèrent Thoison d'or, pour eulx servir en leurs besoingnes et affaires; et est aucteur de cestui livre, comme pardevant est dit ens, ou prologue. Et tous iceulx quatre officiers servans à ladicte ordre, pareillement furent vestus chascun de rouges robes, manteaulx et chapperons, les robes fourrées et les manteaulx non, réservé le docteur qui avoit l'abbyt fait et fourré comme à docteur appertient. Et furent iceulx quatre officiers assis es basses fourmes par devant le siège du duc, chascun en son degré. Et l'endemain, pareillement comme la nuyt Saint-Andrieu , entrèrent en l'église à viij heures au matin. Sy se sist chascun en son siège ordinaire comme devant; et quant le saint service fut fait jusques à l'offrande, alla le duc, fundateur et souverain de ladicte ordre, le premier à l'offrande; et, après luy retourné en son siège, le roy d'armes de l'ordre, pour le plus prochain du haultain siège, appella le seigneur de Saint-George, ou son procureur pour luy; et pareillement il appella messire Régnier Pot, ou son procureur pour luy. Pourquoy, ou lieu d'iceulx deux chevaliers qui estoient absens, il se apparurent deux aultres chevaliers de l'ordre dessusdit, dont l'un fut messire Anthoine de Vergy, qui se présenta ou lieu de monseigneur de Saint-George; et le seigneur de Jonvelle se présenta ou lieu de messire Régnier Pot. Sy

se partirent de leurs sièges, comme procureurs représentai les personnes des dessusdis défaillans; si allèrent à l'offrande ces deux ensemble et chascun d'une pièce d'or. Et aussi firent tous les autres chevaliers de ladicte ordre. Et après allèrent offrir, le seigneur de Roubaix et messire Rollant d'Utkerque ensemble, de telle offrande que dessus est dicte1. Et ainsi, tous par ordre, ilz allèrent offrir, tous deux et deux, l'un à dextre, et l'autre à sénestre. En telle manière et ordonnance se fîst l'offertoire qui dura moult longhement. Et estoient chascune fois appelle par le roy d'armes, qui les conduisoit jusques à l'autel et les raconduisoit jusques à leur siège.

Après ladicte offertoires faicte, se fist une moult belle et hault prédication, en manière de collation, par le chancellier de ladicte ordre, docteur et évesque de Nevers. Après icelle prédication, se parfist le saint service divin; et puis se partirent de l'église lesdis seigneurs de l'ordre en leur très honnourable ordonnance, comme j'ay dit dessus; et s'en retournèrent à l'ostel du duc. Sy le convoyèrent en sa chambre, où il lut une espasse avec icelle noble compaignie.

A toutes icelles ordonnances furent pluiseurs héraulx, roix d'armes et poursuy vans : premiers , pour roys d'armes, le roy de Berry, le roy de Brabant, le roy de Flandres, le roy d'Artois, et le roy de Haynnau : et, pour héraulx, Sézille, Bretaingne, Orenge, Saint- Pol, Namur, Viane, Enghien, Zellande et Anthoing. Et de poursuy vans furent le nombre de xiiij, tous à grans princes et seigneurs.

1. « de telle offrande que les aultres dessusdis ». M. P. — « de telle manière ». B.

Quant Peure du disner fut venue, environ à midy, les tables furent dreschiez et très notablement parées, comme à ung si très hault, très notable i et riche estât apper tient, et le dreschoir paré et aourné de riche vaisselle et joyaulx si très richement que se seroit une trop longhe chose à racompter. Sy s'assist le duc au milieu de la table, et les seigneurs de degré en degré. C'est assavoir, les plus anchiens faiz chevaliers au plus prés du souverain, les ungs à dextre, et les aultres à sénestre, en la forme et manière que leurs sièges et tableaux de leurs armes estoient à l'église, comme dit est. Et au boult d'icelle longhe table, par devant au dextre, y avoit une aultre petite table où les quatre officiers de ladicte ordre se séoient, et chascun à tout leurs manteaulx et habis de ladicte ordre. Et en icelle grant salle n'y avoit aultre table dreschie. Sy furent servis honnourablement, les ungs après les aultres, en leur degré. Là, trompettes et ménestreux cornoient et juoient devant les metz et non ailleurs; et là estoit une doulce mélodie à oyr durant icelluy disner. Et ainsi se fina le disner en très grant esjoyssement et honnourable ordonnance. Après grâces rendues, le duc et lesdis seigneurs se retrayrent chascun en leurs chambres, et se dévestirent de tous leurs habis. En aultres salles et chambres se tindrent les estatz de messeigneurs de l'église et des aultres nobles seigneurs qui furent venus à ladicte feste.

Après icelle noble feste et solemnité passée, à l'eure de vespres, le duc et mesdis seigneurs de l'ordre se revestirent tous de noirs habis , manteaulx et chap-