très noble ». M. P

perons longz, comme de dueil. Sy se mirent en leur ordonnance, comme ilz avoient fait au matin, chascun en son ordre et degré ; et leur vindrent les processions au devant ; et, en faisans dévotes processions et oroisons, ilz retournèrent à l'églize et se mirent ens leurs propres sièges, chascun dessoubz ses armes. Et là furent chantées et dictes vegilles pour les trespassez, et dura le service moult longhement et bien avant en la nuyt ; et puis, ledit service fait, s'en retournèrent audit hostel en ordonnance comme dessus. Quant ce vint l'eure du soupper, ilz s'assirent à table à tout leurs habis noirs, chascun en son degré, comme dit est. Des metz et ordonnance d'icellui soupper je m'en tais; mais vray est qu'il fut de grant magnificence.

Et l'endemain matin, de rechief, en iceulx habis de dueil se remirent ' en leur ordre, et avec les processions retournèrent à l'église, et très dévotement y furent au service divin que on fist pour les mors; dont au milieu du ceur y avoit ung chandellier de bois peint de noir sur lequel y avoit xxiiij chierges ardans, pour et ou nom desdis seigneurs de l'ordre, chascun pesant trois livres. Et cellui de mondit seigneur le duc souverain estoit au milieu, plus grant que les aultres; et chascun chierge armoyez de petis escuchons des armes desdis seigneurs de la dicte ordre, et estoient tous assis par ordre comme les seigneurs et les tableaux de leurs armes. Sv se fist le saint service divin très révéramment. Et quant il fut l'eure de l'offrande, le roy d'armes, Thoison d'or, apporta à mondit seigneur, le duc, son chierge ainsi armoyé comme dit est ; lequel