se revinrent ». M. P. — « se rangèrent ». B

mondit seigneur le duc offry à l'autel, et puis par le roy d'armes fut rapporté en son lieu sur le chandelier. Et puis, comme j'ay dit dessus, par le roy d'armes fut appelle chascun seigneur en son siège pour aller à l'offertoire, et leur apportoit le roy d'armes à chascun son chierge; et puis, comme dit est, rassis en leurs sièges. Et les seigneurs, qui y furent deffaillans, y furent pareillement appelles, et y eulrent chascun leurs procureurs par lesdis seigneurs et compaignons de ladicte ordre, comme dit est, aux aultres offertoires. Mais cellui de deffunct le seigneur de Mamines fut offert par le roy d'armes de l'ordre et laissié à l'autel , destaint, sans estre rapporté en sa place comme les aultres furent : et par ainsi demoura ladicte place vide, tout le remain dudit service, en démonstrant le trespas dudit seigneur de Mamynnes. Lesquelles choses estoient moult dévottes et plaisantes à veoir.

Quant icelle offertoire fut passée , le greffier et secrétaire de l'ordre se mist à l'endroit des tableaux, ou milieu des frères mesdis seigneurs de l'ordre ; et là fut faicte, par luy, une moult bel et pytoyable recommandacion à mondit seigneur le duc et à eulx tous, pour et ou nom dudit deffunct chevalier le seigneur de Mamynnes, que Dieu pardoinst, dont les armes estoient à l'endroit de son siège, comme dit est; et le fîst en la manière qu'il s'ensuit :

« Très excellent et très puissant prince, mon très « redoubté seigneur, le fondateur, chief et souverain « de ceste honnourable et léalle ordre de la Thoison « d'or; et vous, nobles et honnourez seigneurs, cheva- « liers, frères et compaignons dudit ordre cy-présent, « maintenant, à ce service que l'en fait pour les très-

« passez, à l'intencion de vous, Monseigneur, affîert « faire singulière et espécialle mencion de l'àme « du noble et vaillant chevalier deffunct, messire « Robert de Mamynnes, en son vivant frère et com- « paignon d'icellui ordre, qui trespassa à Namur, en « vostre service, contre voz ennemis, l'an passé, et « si a vaillamment et grandement servy son naturel « prince et seigneur, vous, Monseigneur, en vos « guerres, voyages, armées; etaultrement, en maintes « manières a faictes de haultes proesses. »

Et ainsi, par moult belles, dévotes et très notables ordonnances, se parfist le saint service divin; et puis, par la manière que j'ay dit dessus, le duc et les seigneurs de l'ordre, en leur notable et honnourable ordre et ordonnance, se partirent de l'église et retournèrent audit hostel du duc. Et à l'eure du seoir à table, ilz lavèrent et s'asseirent à table, mondit seigneur1 le duc en son siège moyen, et mesdis seigneurs chascun en son degré, comme a esté dit, en leur habit de dueil. Et puis, le disner passé, pour tout le jour furent ainsi vestus jusques à la nuyt; et, l'endemain, le duc, et les seigneurs dudit ordre furent vestus de telz habis qu'il leur pleut, à l'église, où ilz furent ensemble oyr la messe de Nostre-Dame. Et, depuis, entrèrent en chap pitre, où ilz furent par ordre et en manteaulx dudit ordre, où ilz esleurent deux chevaliers, pour estre frères et compaignons dudit ordre : c'est assavoir, le comte de Meurs, et messire Simon de Lalaing, comme sera dit cy après2.

1. « Et à l'heure du seoir à table — mondit seigneur ». M. P.