CHAPITRE CXCI

De la journée qui se tint à Arras, entre le duc et les ambassades du saint-père, les ambassades des roys de France et d'Angleterre, pour la paix fînalle du royaulme de France; laquelle fut faicte et conclute entre le duc et les ambassades de France. Des seigneurs qui se trouvèrent à ladicte journée, et des armes qui y furent faictes entre deulx gentihhommes chevaliers, assavoir : messire Jehan de Merlo, castilain, et le seigneur de Charny, bourguignons, dont le duc estoit juge.

Au nom de Dieu, de la glorieuse Vierge Marie et de toute la sainte court de paradis, Amen. Vraye mémoire soit faicte de la très noble assemblée, laquelle se fist en la très bonne ville d'Arras, en l'an mil iiijc xxxv, pour parvenir, par la grâce de Dieu, au très saint bien de paix, par moult longtemps désirée de toute la Creslienneté, et obvier à la très grande et horrible division estant entre les roys, princes et seigneurs de France, d'Angleterre et de Bourgongne.

En icelle assemblée furent, de par le père-saint,

nommé Eugènes, à icelle heure tenant son siège en la

cité de Florence, et, de par le saint concilie tenu à

Basle sur le Rin, en Allemaingne, accordé de Dieu, du

ii 20

père saint et de saincte Église 1 , envoyé en ladicte cité d'Arras deux cardinaulx, dont l'un fut icelluy de Gippre, et l'autre de Saincte-Croix. Et entrèrent en ladicte ville, aux jours cy après déclairez, à compaigniez, par la manière qu'il s'ensuit.

Il est vray que le viije jour de juillet, an dessusdit, entra le cardinal de Gippre, légat du saint concilie, à compaignie comme il s'ensuit : premiers, de l'archevesque d'Aux, lequel avoit soubz luy deux docteurs, pluiseurs chappelains et x gentilzhommes ; l'évesque de Brexionam, en Dace, du royaulme de Suède, se avoit en sa compaignie ung docteur ; l'archediacre de Mes en Loraine, avec pluiseurs chappelains, au nombre de xlij [que] chevaulx que mules ; l'évesque d' Albainghe, soubz le duc de Millan, à compaignie d'un chevalier et d'un docteur, à xv que mules que chevaulx ; l'évesque de Uzé, servis de moult nobles clercz ; sire Nicolo Lassessequint, lequel estoit au saint concilie de par le roy de Poullane, à xj chevaulx; l'abbé de Verselay; le sacrastain de Lyon sur la Rosne. Si estoient les familiers de son hostel : son auditeur docteur, l'arcidiacque de Turin docteur; ung maistre en théologie, son confesseur ; vj chappelains, xvj gentilzhommes. Somme, tous ceulx de son hostel, les autres archevesques, évesques, qui entrèrent dedens Arras, C et l, que mules que chevaulx, en la compaignie dudit cardinal de Gippre.

4. Nos mss. ont, après les mots « saincte Eglise », le prétérit fut, qui a déjà été exprimé au pluriel, dans le commencement de la phrase. C'est une redondance à supprimer, à moins qu'il n'y ait lacune à cet endroit.

Le xiije jour dudit mois, vint en la ville d'Arras le cardinal de Sainte-Croix, légat du pappe, moult honnourablement accompaignié de l'évesque de Viseux, ou royaulme de Portingal; de sire Loys de Garsis, docteur en théologie; de messire Luc de Sainct- Victoire, archeprestre de Jumelles, et d'aultres nobles serviteurs et familiers, jusques au nombre de l, que mules que chevaulx.

Le xxve jour de juillet, arriva une noble et puissant ambassade de par le roy d'Angleterre, moult grandement acompaignie, jusques au nombre de iijc chevaulx, ou environ. Sy y furent l'archevesque d'Iork, l'évesque de Norwic, l'évesque de Saint-David, le conte de Sulforch, messire Gautier de Humghefort, baron, messire Jehan Rateclif, chevalier, et aultres, jusques à vj chevaliers et iiij docteurs.

Le xxviije jour dudit mois de juillet, entra, en sadicte ville d'Arras, le duc, à compaignie : premiers, du duc de Gueldres, lequel avoit en sa compaignie ijc chevaulx.

Item entra avec le duc, le damoiseau de Clèves son nepveu, àxxiiij chevaulx. En après, estoit le conte d'Estampes, cousin germain du duc, filz au conte de Nevers, à xl chevaulx, ou environ. Après, estoit le conte de Nassou, brabanchon, noblement acompaignie jusques au nombre de iiij" et six chevaulx. Après, estoit le damoisel de Gasebecque, noblement acompaignie, et ses gens richement montez de xl chevaulx, ou environ; après, le seigneur de Rousselare, xvij chevaulx; après, le damoisel de Rousselare, frère audit seigneur, a x chevaulx. Après, estoit le commandeur de Chanteraine à compaignie de xiiij che-

vaulx; Jehan, seigneur de Wetem, à x chevaulx ; Guillame de Sombref et Jehan de Sombref, frères, richement montez de xvij chevaulx ; messire Clair de Saint- Guermes et son frère, nommé Henry, à vij chevaulx ; Raisse de Lintre, à vij chevaulx ; Jehan de Castregat1 à iiij chevaulx ; Jehan Hincart et son frère à cincq chevaulx ; et pluiseurs aultres nobles du pays de Brabant.

De Hollande, y eult de grans seigneurs et nobles hommes : premiers, le seigneur de Montfort, hollandois, accompaignie et richement montez de xl chevaulx ou environ, et de deux chevaliers, et de dix gentilz hommes; le seigneur de Wassenaire, à xxiiij chevaulx ; messire Guillame d'Aighemont, seigneur de Isseltain, oncle du duc de Gueldres, à xvij chevaulx; Guillame de Valduit, marissal de Hollande à héritage, à xvij chevaulx ; et pluiseurs aultres de Hollande, qui ne sont point icy comprins. Avec les dessus nommez estoient pluiseurs prélatz et gens d'église : c'est assavoir, les évesques de Gambray, d'Arras, et d'Aussoire confesseur du duc ; le prévost de Trect ; l'archediacre de Liège ; l'archediacre de Rouen ; le grant pryeur de France et pluiseurs aultres prélatz.

En oultre, estoient, en la compaignie du duc, de la noble ordre de la Thoison d'or, pluiseurs ducz, contes et barons, lesquelz ne sont point escrips par ordre, selon leur degré, pour ce qu'ilz sont venus à pluiseurs foiz : premiers, le conte de Nevers ; le conte de Ligney ; le seigneur d' Anthoing ; le seigneur de Groy ; le seigneur de Communes; messire Rolland d'Ute-