et M

« et ne sera pourtant, icelle paix réputée cassée, ne

« adnullée ; mais les attemptas seront réparez 1 et les

« [choses] mal faictes contre icelle paix amendées ; et

« aussi les défaultes et obmissions accomplies et exé-

« cutées deuement, tout selon que dessus est escript,

« et ad ce constrains ceulx qu'il appertiendra par la

« forme et sur les paines dictes.

« Item, [comme] ayons esté de rechief très instam-

« ment exortés, requis et sommés, par lesdis cardi-

« naulx et ambassadeurs du saint concilie, de vouloir

« entendre et de nous incliner et condescendre,

« moyennant les offres dessusdictes qui leur sem-

« bloient estre raisonnables, [et] ne les povions ne

« devions de raison reffuser, ainsi que ilz nous ont dit,

« à paix et réunion avec mondit seigneur le roy ; en

« nous disans et remonstrant, en oultre, que ainsi le

« devions faire selon Dieu, raison et toute honneur,

« non obstant les sérement, promesses et aliances

« piéça faictes entre feu nostre très chier seigneur le

« roy d'Angleterre desrain trespassé , et nous ; pour

« pluiseurs grans causes et raisons à nous démonstrées

« et alléguées par lesdis cardinaulx et aultres ambas-

« sadeurs de par nostre saint-père et le concilie ; nous,

« pour révérence de Dieu, principalement pour la

« pittié et compassion que avons du povre peuple de

« ce royaulme, qui tant a souffert en tous estas, et

« aux prières, requestes et sommacions à nous faictes

« par lesdis cardinaulx, et cetera, que nous tenons et

« réputons pour commandement, et comme prince

« catholicque et obéyssant fîlz de l'Église ; eu sur ce