M. et 0. de La M. — On lit « repputez » dans notre ms

ce srant advis et meure délibéracion de conseil, en a grant nombre, avec pluiseurs grans seigneurs de « nostre sang et lignage, et aultres noz féaulx, vas- « saulx, subgetz et gens de conseil, en grant nombre, « avons, pour nous et noz successeurs, féaulx, vas- « saulx, et adhérens en ceste partie, fait et faisons « bonne, léalle, ferme, seure et entière paix et réu- « nion avec mondit seigneur le roy et ses successeurs ; « moyennant les offres et aultres choses cy dessus « escriptes, qui, de la part de monseigneur le roy et « ses successeurs, nous doivent estre faictes et acom- « plies ; et lesquelles offres, de nostre part, et en tant « qu'il nous touche, avons aggréables et les acceptons ; « et dès maintenant consentons et faisons les renun- « ciations, promesses, submisses et aultres choses « dessus déclairées, qui sont à faire de nostre part. « Et recongnoissons mondit seigneur, le roy Charles, « nostre souverain seigneur au regart des terres et « seignouries que avons en ce royaulme ; promettans « pour nous, noz hoirs et successeurs, par la foy et « sérementde nostre corps, en parolle de prince, sur « nostre honneur et obligacion de tous noz biens , « présens et advenir quelzconcques , ladicte paix et « réunion, et toutes et singulières choses cy dessus « transcriptes, tenir, garder, entretenir et acomplir « de nostre part, et en tant que touchier nous peult, « inviolablement et à tousjours, de point en point, « tout par la forme et manière dessus escriptes, sans « faire, ou venir, ou souffrir faire ou venir au con- « traire, couvertement et en appert, ne aultrement, en « quelque manière que ce soit. Et, pour les choses des- « sus dictes et chascune d'icelles tenir et entretenir et

« acomplir, nous submectons à la coiiercion, conclu- « sion et constrainte de nostredit saint-père le pape, « du concilie et desdis cardinaulx légatz et aultres « ambassadeurs du concilie, et à toutes cours tant « d'église comme séculiers ; voulans et octroyans, par « icelles et chascune d'icelles, estre constrains et « compélis par la censure de l'Église, tant et si avant « qu'il semblera expédient auxdis cardinaulx, légatz, « et cetera, ou cas que faulte averoit de ma part es « choses avant dictes ou aucunes d'icelles ; renunchans « à toutes allégacions et exceptions, tant de droit que « de fait, que pourrions dire ou allégier au contraire; « et, en espécial, au droit disant que générale renun- « ciacion ne vault, se l'espécial ne précède1 ; et tout, « sans fraulde, barat, ou mal enghien. Et, affin que « ce soit ferme chose et estable à tousjours, nous « avons fait mectre nostre séel à ces présentes. « Donné en nostre ville d'Arras, le xxje jour de sep- « tembre, l'an de grâce mil iiijc xxxv. »