M. et 0. — On lit : « procède, » dans notre ms

France et Angleterre, practiqua envers les ambassadeurs du roy dessus nommez ladicte paix et traictiés des deux royaulmes dessusdis. Et, pour parvenir à icelle furent advisées certaines et grandes offres qui se feroient, de par le roy, au roy d'Angleterre; et, ad ce faire et practiquier, y furent messeigneurs les cardinaulx de Saincte-Croix et de Cippre; et, par ung notable clercq de l'ordre des frères prescheurs, rescriprent messeigneurs les cardinaulx audit roy d'Angleterre. Et le duc y envoya par moy, Thoison d'or, les offres grandes et honnourables que le roy faisoit au roy d'Angleterre, lesquelz offres seront cy après déclairées. C'est assavoir, que le roy offroit au roy d'Angleterre, moyennant qu'il renunchast à la succession, tiltre et demande qu'il faisoit à la couronne de France, la duchie de Normandie toute enthièrement, saulf et réservé l'hommaige ; la duchie de Guienne , ce de quoy ilz possessoient ; et tout ce qu'il tenoient en Picardie d'ancbienne concqueste. Et, pour lors, le roy se vouloit obligier à ce traictié faire ; et, pour ce que le roy d'Angleterre n'avoit que xiiij ans, et que la coustume d'Angleterre est telle que il fault que ung enfant masle ait xxj ans, ains que il soit, tenu pour eagié (où il y a de xiiij jusques a xxj, vij ans)1, cedit temps le roy d'Angleterre ne seroit point obligié ; mais, quant il seroit en eage, et ledit traictié de paix et offres dessus dictes luy plaisoient, et estoit content de rattiftîer ledit traictié de paix. Et il luy plaisoit, pour plus

1. Notre ms. a bien ou; etB., qui ne pouvait suivre que la copie qu'en avait faite le marquis Le Ver, y a sans doute trouvé or, à moins qu'il n'ait pris sur lui de taire ce changement.

grande amour et alliance avoir, prendre madame Arragonne, fille aisnée du roy à mariage le roy luy donneroit; et, ou cas que iceulx traictiés et offres ne vouldroit prendre, il pourroit revenir à toutes ses premières demandes et querelles.

Et, pour ce qu'il sembloit à pluiseurs notables seigneurs du conseil que, actendu que le roy d'Angleterre avoit esté couronné de nouvel à Paris roy de France, que de prime face ne vouldroit point si tost devenir homme du roy, me fu commandé, à moy, Thoison d'or, de dire au roy d'Angleterre, ou à son conseil, que, durant la vie du roy d'Angleterre, il ne seroit point tenu de relever la duchie de Normendie , ne aultres tenues du roy; et pourroit estre ordonné, s'il luy plaisoit, que son premier filz ou les filz aisnez de ses successeurs seroient nommez duez de Normandie; et seroient dores en avant les lettres1 des filz aisnés des roy d'Angleterre ; et, durant les vies de leurs pères rois d'Angleterre, releveroient ladicte duchie du roy ; et par ainsi le roy d'Angleterre ne releveroit point du roy. Toutes lesquelles offres furent, par moy, Thoison d'or, portées en Angleterre; lesquelles ne furent point acceptées, et mal prindrent en gré mon allée. Et me fu respondu par le chancellier d'Angleterre les parollcs qui s'ensievent : « Thoison d'or, le « roy d'Angleterre et de France, mon souverain sei- « gneur, a veu les lettres et offres que vous luy advez « aportées, lesquelles luy ont moult despieu, et non « sans cause. Pour lesquelles choses il a assemblé