Ne serait-ce pas : « tiltres

« ceulx de son sang et lignage, pour y avoir adviz; et « vous en povez bien retourner delà la mer; » et aultre responce je n'eulx.

Et toutefïbiz, le duc avoit rescript lettres closes au roy, et assez gracieuses, par lesquelles il luy signifioit que, ce non obstant qu'il eust fait paix au roy et pardonné la mort et intérest de feu monseur son père, touteffoiz il n'entendoit point de avoir guerre à luy ne à ses voisins, mais se vouloit employer, de tout son povoir, au bien de la paix générale; et, pour icelle, avoir1 obtenu du roy les offres dont dessus est fàicte mencion ; lesquelles offres luy sembloient dignes d'estre acceptées. Et quant au notable religieulx envoyé par messeigneurs les cardinaulx, ambassadeurs dessusdis, devers le roy d'Angleterre, fu [la responce] toute telle que celle de bouche me fut dit; et aultre responce ne firent lesdis Anglois.

Les ambassadeurs de France s'en retournèrent moult liement, et leurs fist le duc de grans dons, tant or, argent, vaisselle, comme aultres choses. Et pareillement le fist à la plus part des grans seigneurs qui là estoient ambassadeurs. Et ne démolira guaires, après ce que les dessusdis ambassadeurs de France furent arrivez devers le roy, en sa ville de Chinon, que la royne achoucha d'un beau filz, auquel le roy fist donner le nom, comme le duc; et furent les premiers lettres que le roy escripvit oncques au duc.