CHAPITRE CXCV

Comment le roy de France jura la paix d'Arras, solempnellement , et la feit aussi jurer aux grans seigneurs qui estoient entour luy; et comment le mariage de madame Catherine, ijG fille dudit roy, fut traictié avecques le conte de Charrollois.

Ne demoura guaires, après que les ambassadeurs du roy furent partis de [la] ville d'Arras, que le duc envoya son ambassade : c'est assavoir, messire Jehan de Croy, le seigneur de Harsy, le seigneur de Créveceur et aultres, lesquelz avoient charge de requérir au roy de France de faire le serment de la paix, et jura ' tous les articles de ladicte paix, de point en point; et avecq ce que le roy fist jurer tous les princes de son sang, qui là furent, et aux aultres grans seigneurs qui là estoient. Le roy receupt grandement et honnourablement ladicte ambassade, et ordonna jour et lieu où ilz jureroient ladicte paix; laquelle chose fist solempnellement. Et si le fist jurer à messire Charles d'Anjou et à tous les aultres grans seigneurs qui entour luy estoient; lesquelz tous jurèrent, excepté Le Bastart d'Orléans qui ne la voult jurer et s'excusa, disant que le duc d'Orléans et le duc d'Angolesme, son frère, estoient prisonniers en Angleterre; et que, sans le commandement et les congié et licences d'eulx, ne vouldroient riens faire de ladicte paix.

Sy fut le roy moult joyeux, et bien le devoit estre;