CHAPITRE CXI

De la croisée contre les Bohémois et Pragois, laquelle ne profita guaires ou riens.

En ce temps, nostre saint père le pape ordonna une

1. Tous les textes de Saint-Remy ont « efforcée » ; mais on lit « renforcée » dans M.

croisie pour aller sur les Pragois; duquel estoient conducteurs, avec grant foison princes d'Allemaingnes, les évesques ' de Goulongne , l'évesque de Liège , l'archevesques de Trêves, l'évesque de Mayence, le duc Loys en Bavière, le marquis de Misse et pluiseurs aultres princes; lesquelz, tous ensemble, estoient xlij, que ducz, que contes, que marquis, sans les Savoyens, dont estoient chiefz le seigneur d'Ays, le seigneur de Warembon et le seigneur de Grolée, avec pluiseurs aultres qui estoient soubz eulx, et en la compaignie du duc de Heydelberch qui print son chemin par Neuremberch, ou pays et royaulme de Behaigne, qui est moult bel et plentureux de tous biens, plains de villes, villages et chasteaulx, lesquelz on mectoit en destruction par feu et espées, hommes, femmes et enffans. Et à la vérité, ainsi que pluiseurs hommes racontoient dignes de foy, quant les puissances se trouvèrent en la plaine qui est assez près de Souch, devant laquelle on mist le siège, ceulx qui estoient de cheval furent estimés cl. mil personnes, testes armées, sans les gens de piet, chartons, marchans menans les vivres que on disoit estre plus de lx mil. Laquelle armée dessusdicte fut devant icelle ville environ ung mois.

Mais, une envie et convoitise se mist entre les princes, par quoy l'armée qui tant estoit grande prouffita bien peu ; et s'en partirent soubitement sans riens faire. Et à la vérité, à les veoir partir de leur siège, il sembloit que ilz fuissent chassies de leurs ennemis. Et en icelle armée estoit le cardinal d'Excestre