I. Tous les autres textes ont : « chartreux

à leurs amis qui dedens le chastel estoient, pour savoir se ils le renderoient au roy d'Angleterre ; disant que ilz estoient tous mors, se ilz ne rendoient la place. Mais, pour prière ne remonstrance qu'ilz sceussent faire, le capitaine ne le vault faire. Alors, iceulx prisonniers se mirent àgenous, en pryantàleurs capitaine qu'il eust pité d'eulx, ou ilz estoient mors; et, en rendant la place, il leurs sauveroit leurs vies. Ausquels il respondy qu'ilz feissent le mieulx qu'ilz povoient, et qu'il ne le renderoit pas. Et lors, furent remenez lesdis prisonniers en l'ost; auquel lieu le roy d'Angleterre fîst dreschier ung gibet où lesdis prisonniers furent tous pendus, véans ceulx du chastel.

Et après ces choses faictes, ceulx du chastel se tindrent environ viij jours, et puis firent traictié, avec le roy d'Angleterre, de rendre le chastel par sy qu'ilz s'en yroient saufz corps et vies, réservé ceulx qui seroient trouvez coulpables de la mort du duc Jehan de Bourgoingne , lesquelz demouroient en la voulenté du roy d'Angleterre et du duc. Et ainsi s'en allèrent les Daulphinois. Pour laquelle reddicion le seigneur de Guitry fut fort blasmé, pourtant que il avoit ainsi laissié morir ses gens, pour si peu après tenir; et, avec ce, lui fut imposé que il estoit couW pable de la mort du duc Jehan ; et sur ce offrit [le] ' combattre un gentil homme de l'ostel du duc, nommé Guillaume de Brye. Mais, en conclusion, le seigneur de Guitry se excusa, et n'y fut plus avant procédé.

Tantost après , le roy d'Angleterre mist bonne garnison dedens la ville et chastel de Monstreau ; et

puis fist préparer son ost, pour brief ensuivant mectre le siège devant la ville de Melun . Et entretant que ces choses se faisoient, le roy , la royne et la royne d'Angleterre se tenoient à Bray sur Saine avec tout leur estât. Alors vint, devers le roy d'Angleterre, le duc de Bethfort, son frère, à tout viijc hommes d'armes et deux mille archiers. Sy fut receu en grant liesse; pour la venue duquel la puissance du roy d'Angleterre fut grandement efforcée1. Le dauphin et sa puissance estoient alors es parties de Langhedoch, et ala mectre le siège devant la ville du Saint-Esperit sus le Rosne, dedens laquelle estoient les gens du prince d'Orenges, tenans le party de Bourgoingne; laquelle luy fut rendue et pluiseurs aultres forteresses ou pays de Langhedoch, lesquelles avoient tenu le party du duc par le moyen du prince d'Oranges. Et, ce fait, s'en retourna le daulphin à Bourges en Berry, et assembla, de touttes pars, grant puissance de gens pour résister allencontre des puissances du roy d'Angleterre et du duc, lesquelz il savoit estres prestz pour concquerre et subjugier les villes et pays qui se tenoient à luy.