CHAPITRE CXII

Du siège de Melum, qui fut environné de tous costez. Comment le roy d' Angleterre y amena la royne, sa femme ; et comment , par traictié, elle fut rendue; et de pluiseurs incidens ; et comment les roys et rognes entrèrent à Paris où honnourablement et à grant joye furent receus.

Or nous couvint parler du roy d'Angleterre et du duc, lesquelz, après qu'ilz eulrent concquis Monstreau, se partirent pour aller à Melum que tenoient les gens daulphins ; laquelle [ville] fut asségée tout à l'environ ; et le roy avec les roynes allèrent tenir leur estât à Gorbeul .

En la compaignie du roy d'Angleterre avoit ung duc en Bavière, lequel avoit espousé sa sœur. Iceulx Bourguignons et Anglois mirent leur intencion de vouloir approchier leurs adversaires, et firent dreschier leurs engins pour desrompre les murs de la ville, dedens laquelle estoit capitaine général et principal le seigneur de Barbasan avec de vj à vijc combattans ; lesquelz vaillamment se dépendirent. Touteffoiz, non

obstant leurs deffenses, turent approchiés en pluiseurs lieux jusques à leurs fossez, tant par mines comme par bol vers. En oultre, fut fait, sur la rivière de Saine, ung pont sur batteaulx par lequel les assiégeans povoient, tout autour de la ville, secourir l'un l'autre plainement; et dura le siège xviij sepmaines. La ville fut fort battue ; mais, tantost que les murs estoient rompus par les engiens, iceulx asségiés les refaisoient souveusement ' de queues plaines de terre et d'aultres besoingnes ad ce compétentes.

Après certaines espasse de temps que le siège de Melun fut fermé, comme dit est, y fut mené le roy, affin que plus sceurement on puist sommer ceulx de la ville qu'ilz le rendissent au roy, leur souverain seigneur; mais, ad ce firent response que, à son estât privé, très volentiers luy feroient ouverture ; disant que au roy d'Angleterre, anchien ennemis du royaulme, point ne obéyroient. Néantmoins le roy fut grant espasse au siège soubz le gouvernement du roy d'Angleterre, son beau filz ; et en ce mesme siège fist le roy d'Angleterre amener sa femme, la royne, grandement acompaignies de dames et damoiselles, et y séjourna environ ung mois, estans logie en une maison que le roy, son mary, avoit fait faire emprés ses tentes, qui estoit loing de la ville, affin que de canons ne peussent estre travailliés.

En ce temps la royne de Sézille, vefve du roy Loys

1. L. porte : « soigneusement », qu'on lit aussi dans Wavrin : « les remforchoient soigneusement de queues plaines de terres, « d'cstrain, de laines et autres matières ad ce compétentes ». M. dit : « les refortifioient soigneusement de queues pleines de « terres, de bois et autres besongnes à ce compétens ».

de bonne mémoire, donna congié à son filz aisné * pour aller à Romme, affin que de la main de nostre saint père le pappe, il feust couronné roy de Napples, et le bailla aux Florentiens et Gèneuois sur leur léaulté; lesquelz estoient ancrez a tout xv gallées d'armes au port de Marcelles qui estoit de la terre de ladicte royne. Mais elle retint en hostaige, pour son filz, viij des plus notables barrons du royaulme de Napples et de ses pays environ qui Festoient venus quérir de par les citez et bonnes villes du royaulme de Napples. Et ce firent par la hayne qu'ilz avoient à leur royne, femme de messire Jacques de Bourbon, conte de La Marche, laquelle tenoit pour lors son mary prisonnier pour discorde qu'elle avoit eu à luy et à ses gouverneurs. Or, s'en va le josne prince Loys, nagant par mer es gallées dessusdictes, et entra à Romme, et, là, receut sollempnellement sondit royaulme par la main du pappe, jà soit ce que lors ne fût pas couronné; et fut, de ce jour en avant, nommé roy Loys, comme avoit esté, par avant, son feu père.

Or, retournons à nostre matière. Durant le siège de Melun, comme dessus est dit, furent mis en la main du roy d'Angleterre, par le commandement du roy et consentement du duc et des Parisiens, les forteresses cy après déclarées : c'est assavoir la bastille

1. « non pas sans souspirer du cuer ». M. — Jenepuism'empêcher de remarquer que Saint-Remy, qui a pris textuellement de Monstrelet tout ce récit, en a supprimé ce trait de sollicitude maternelle qui a bien son cachet. G. Chastellain dit aussi que la reine de Sicile remit son fils aux envoyés des Napolitains pour ce voyage « à larmes et soupirs, comme mères font ». Mais Wavrin, qui du reste a suivi Saint-Remy, est resté aussi sec que lui.

Saint-Anthoine, le Louvre, la maison de Nelle et le bois de Vincennes; pour lesquelles recevoir, fut envoyé le duc de Clarence, lequel fut constitué capitaine de Paris. En ceste mesme année, et durant le siège de Melun, pluiseurs courses se faisoient, tant d'un costé comme d'aultre, qui trop longues seroient à racompter : car tant de tribulacions estoient lors par le royaulme de France que piteuse chose estoit à veoir et oyr racompter.

En icelle mesme année trespassa en la ville de Bloix Phelippe, conte de Vertus, frère de Charles, duc d'Orléans prisonnier pour lors en Angleterre, lequel conte de Vertus gouvernoit en France toutes les terres de ses frères dessusdis { : pour lequel trespas le daulphin fut moult affoibly d'ayde et de conseil. Et aussi ses deux frères qui estoient prisonniers en Angleterre eulrent au cuer grant tristresse, comme raison estoit; car, en leur absence, eulx estans prisonniers, tant qu'il vesqui, gouverna léalment et sagement leurs dominacions et seignouries.

Or convient retourner à Testât du siège de Melun, durant lequel se féry en l'ost du roy d'Angleterre grant mortalité de impédimie, pourquoy il perdy grant nombre de ses gens. Et de l'aultre costé se party de l'ost du duc le prince d'Orenges et pluiseurs aultres ; pour lequel partement le duc envoya hastivement devers messire Jehan de Luxembourg, lors capitaine de Picardie, et luy manda qu'il assemblastle plus grant nombre de gens que il pourroit, et le menast devers luy

1. Saint-Remy n'en a nommé qu'un, le duc d'Orléans, et a sans doute oublié le duc d'Angoulême qui est nommé, après lui, dans M. et W.

au siège de Melun ; lequel y vint tost après. Et quant il vint au deseure de Melun, ayans ses gens en battaille, ceulx de la ville, ce véans, cuidèrent avoir secours et firent sonner les cloches et monter sur les murs, cryant haullement à ceulx de l'ost que ilz meissent leurs selles et que ilz seraient deslogiés. Mais, tantost perchurent que c'estoient leurs ennemis. Pourquoy, les testes baissées, toutes joye cessans, descendirent de leurs murs, sans espérance de ce jour en avant de plus avoir secours du daulphin; car ilz luy avoient pluiseurs foiz nonchié la pestilence où ilz estoient constrains. Car, par force de famine, mengèrent chevaulx et aultres vivres non appertenans à créature humaine; et finablement commencèrent à parlamenter aux Anglois et tellement fut appoinctié que « ilz renderoient la ville et chasteau de Melun au roy d'Angleterre , et se mecteroient tous générallernent , tant hommes d'armes, bourgois ethabitans, comme toutes aultres personnes, en la grâce des deux roys, lesquelz les receveroient par telle manière que s'il en y avoit aucuns qu'ilz fussent trouvez coulpables ou consentans de la mort du duc Jehan de Bourgoingne, on leur ferait justice et raison ; et ceulx qui ne seront trouvez coulpables n'auront garde de mort, mais demouront prisonniers jusques à tant que ilz auront baillié bonne caucion de jamais eulx armer avec les ennemis desdis roys.

« Item, que tous les dessusdis, tant bourgois comme gens d'armes, mecteroient toutes leurs armures et biens dedens le chasteau, et se renderont tous prisonniers ad cause de la guerre et leur quicteront leur foy et ranchon. Et, pour sceurté de ce, bailleront

xij des plus notables , en hostage , de ceulx de la ville ' . »

Ce traictié, lors accordé et parfurny, fut tantost la ville etchastel mise en l'obéissance des roys. Et, après l'accomplissement d'icelles besoingnes, tous les gens d'armes daulphinois, desquelz estoient principaulx messire Pierre de Bourbon, seigneur de Préaulx; le seigneur de Barbasan; et v ou vj 2 notables hommes, et aucunes gentilles femmes et grant partie des bourgois de la ville, furent menez par les commans des deux roys, à force de gens d'armes, à Paris, et là emprisonnez ou Chastelet, en la maison du Temple et en la bastille Saint-Anthoine et aultres places. Item fut deffendu, parles deux roys, que nul n'entrast dedens la ville et chastel, sur paine capital, sy non ceulx qui ad ce commis seroyent.

Or, est vray que pendant le temps que les traictiés dessusdis se fai soient, [y eut] 3 ung gentilhomme de l'ostel du roy d'Angleterre, nommé Bertran de Caumont, qui à la battaille d'Agincourt, le propre jour, estant François, se rendy Anglois pour cause de ce que, en Guyenne, il tenoit du roy d'Angleterre, et

1. « bailleront en hostages douze nobles hommes des plus no- « tables après les capitaines, et six bourgois de la ville ». C'est le texte de Monstrelet où le traité est en entier et comprend neuf articles dont Saint-Remy ne donne que les 1er, 2e, 3«, 6e, 7e et 8e, sans divisions et en raccourci.

2. « avec de cinq à six cens nobles hommes ». M. — « Le jeudy « en suivant furent amenés à Paris environ de cinq ou à six cents « prisonniers de ladite ville de Melun ». Journal d'un Bourgeois de Paris. — « jusques au nombre de cinq cens hommes d'armes ». George Chastel lain.

pour sa vaillance estoit de luy moult amez. Mais, comme dit est, icellui Bertran, comme mal conseillié par convoitise de pécune qu'il en ot, aida à sauver et mectre hors de la ville Aymerion du Lau, qui avoit esté, comme on disoit, coulpable de la mort du duc Jehan de Bourgoingne ; laquelle chose vint à la congnoissance du roy d'Angleterre, dont pour ce meffait lui fist copper la teste ; jà soit ce que le duc de Clarence, son frère, le duc et aultres, luy pryassent assez qu'ilz luy voulsissent pardonner; ausquelz il respondit que plus n'en parlassent, et que il ne vouloit avoir nulz trayttres en son ost; et en fist faire justice pour monstrer exemple aux aultres. Touteffoiz, aucuns disoient qu'il eust bien voulu racheter ledit Bertran de xm nobles ' .

Icelles besoingnes acomplies, le roy d'Angleterre et le duc donnèrent congié à aucuns de leurs gens et se partirent de devant Melun pour aller à Gorboeul où estoient le roy et les deux roynes de France et d'Angleterre; et puis, tous ensemble, se partirent de Corboeul pour aller à Paris ; et allèrent les bourgois de Paris au devant desdis roys, en belle ordonnance. A l'entrée desquelz fut par le peupple cryé « Noël », par tout où ilz passoient ; et chevauchoient les deux Roys moult richement vestus, de front, l'un d'emprès l'autre, le roy à dextre et le roy d'Angleterre à sénestre. Et, après eulx, estoient les ducz de Glarence et de Bethfort, frères du roy d'Angleterre ; et, comme

1. Monstrelet dit : « cinquante mille nobles »; et Wavrin : « chinequante mille escus d'or ».

j'ay entendu, le duc tint son reng à part; c'est assavoir au sénestre du roy d'Angleterre, sans soy mectre avec les ducz de Clarence et de Bethfort ; et estoit vestus de noir. Après luy estoient les chevaliers de son hostel ; et les aultres princes et chevaliers sieuvoient les deux roys d'assez près. En pluiseurs lieulx encontrèrent les gens d'église, à pied, en procession, arrestez par les quarrefours, où ilz présentoient aux roys à baiser les sainctes relicques. Et chevauchèrent ensemble jusques à l'église Nostre-Dame où ilz firent leurs oroisons. Après, remontèrent à cheval, et s'en alla chascun à son logis; est assavoir, le roy en son hostel de Saint-Pol, et le duc avec luy.

Puis, après que le duc eult convoyé le roy, il s'en alla logier en son hostel d'Artois; et le roy d'Angleterre et ses deux frères ou chastel du Louvre. Et, le lendemain, entrèrent dedens Paris les deux roynes de France et d'Angleterre, allencontre desquelles allèrent le duc et pluiseurs seigneurs d'Angleterre et aussy les bourgois de Paris en pareil ordonnance qu'ilz avoient esté le jour devant. Et fut de rechief faicte toute joye à la venue des deux roys et roynes. Quant est à parler des dons et présens qui furent faiz dedens Paris au roy d'Angleterre et à la royne, sa femme, il seroit trop long à réciter. Tout ce jour et la nuyt, couroit vin par les quarrefours, habondamment, par robinés d'arraine et aultres conduiz fais par artefîce . Par toute la ville fut faicte grant léesse, pour la paix finable des deux roys, plus que on ne vous sçauroit dire.