CHAPITRE GXIII
Comment le due de Bourgoingne feit faire sa complaincte an roy séant en justice, pour la mort du duc Jehan, son père, et demande de réparacion. De la responce du roy, et comment Régné d'Anjou, frère au roy de Sézille, expousa la fille héritière du duc de horaine.
En brief jour après la venue des roys et princes à Paris, fut faicte grant complaincte par le duc et le procureur de la ducesse de Bourgoingne; et, pour icelle complaincte, séy le roy, comme juge, en son hostel de Saint-Pol, en la basse salle. Et, là, estoient assis, sur le mesme bancq où séoit le roy, le roy d'Angleterre. Auprès ' du roy, es lieux ordonnez pour eulx, estoient assiz le chancellier de France et maistre Phelippe de Morviller, premier président en parlement, et pluiseurs aultres notables hommes du conseil du roy. Et d'aultre costé, vers le milieu de la salle, séoit sur ung bancq le duc, avec luy, pour le accompaignier, le duc de Glarence et de Bethfort, les évesques de Thérouane, de Tournay, de Beauvais et d'Amiens, messire Jehan de Luxembourg et pluiseurs aultres chevaliers et escuiers du conseil du duc.
Maistre Nicolas Robin 2, lors advocat en parlement
1. « Aux piez ». M. — « au pied du roy françois, sur son mar- « chepied ». G. Ghastellain. — « non guères loing dudit roy ». W.
2. Tous les textes le nomment Rollin, sauf les différences d'orthographe de ce nom.
pour le duc et Ja ducesse, sa mère, demanda aux deux roys audience de parler, comme il est de coustume de faire. Puis, après, proposa le félon et détestable homicide fait en la personne du duc Jehan de Bourgoingne, dont il accusoit Charles, soy disant daulphin de Vienne; le visconte de Nerbonne; le seigneur de Barbasan; Tanneguy du Ghastel; Guillame Batillier; Jehan Louvet, président de Province ; messire Robert de Loire; Olivier Laïet ; Frotier, et tous les coulpables dudit homicide, contre lesquelz et chascun d'eulx ledit advocat conclud affîn que ils fussent mis en tumereaulx et menez par tous les quarrefours de Paris, nudz testes, par trois jours de samedy ou de feste, et tenir chascun ung chierge en sa main, en disant à haulte voix : « qu'ils avoient occis mauvaisement , damp- « nablement et par envie , le duc de Bourgoingne « sans cause raisonnable quelconque » : et ce fait, fussent menez où ilz perpétrèrent ledit homicide ; c'est assavoir à Monstreau ; et là deissent et répétassent les parolles. En oultre, où ilz l'occhirent fust faicte et édiffiée une église, et fussent ordonnez xij chanoines, vj chapelains et vj clercq, pour y pardurablement faire le divin service, et fussent pourveuz de tous vestemens, de tables, de livres, de calices, de nappes et de toutes aultres choses nécessaires ; et fussent les chanoines fondez, chascun de deux cens livres parisis, et les chapelains de cent, et les clercq de cincquante, monnoie dicte, aux despens du daulphin et de ses complices : et, aussi, que la cause, pour quoy seroit faicte ladicte église, fust escripte de grosses lettres entaillies en pierre ou portail d'icelle ; et, pariellement, en chascune des villes qui s'ensieult, feust faicte une
pareille église; c'est assavoir, à Romme, à Paris, à Gand, à Dijon, à Saint-Jacques de Compostelle et en Ihérusalem où Nostre Seigneur souffry mort.
Après laquelle proposicion fut proposé de rechief par maistre Pierre de Marigny, advocat du roy en parlement, en prendant conclusion criminelle contre les dessusdis homicides. En oultre, Jean Larchier, docteur en théologie, dénommé par le recteur de l'université de Paris, proposa aussi moult bien et auctenticquement , devant les deux roys, en eulx ennortant par moult de manières, qu'ilz feissent justice et pugnissentles coulpablesdes criesmes. Et là, déclara moult de terme et dignitez de justice, et que ilz entendiessent et escoutassent bénignement l aux requestes et pryères du duc, affin que icelles requestes voulsissent mectre en effect. Après lesquelles proposicions, fut respondu, de par le roy, par la bouche de son chancellier, que de la mort du duc de Bourgoingne, de ceulx qui si cruellement l'avoient occis et des requestes contre eulx à luy présentement faictes de par le duc, il leur feroit, par la grâce de Dieu et le bon advis et ayde de son filz, Henry, roy d'Angleterre, régent, héritier de France, là estant, bon acomplissement de justice de toutes les choses dictes et proposées, sans faillir. Et, ce fait, les deux roys et tous les aultres retournèrent chascun en son hostel.
En ce temps, après les besoingnes dessusdictes faictes, fut fait le mariage de Régné d'Anjou, frère au
1. « et là déchira moult de loanges, auctoritez et dignitez de « justice, en exortant, comme dit est, par moult de manières lesdiz « roys qu'ilz escoutassent bénignement et entendissent... » M.
roy de Sézille, marquis du Pont par le don du cardinal de Bar, son oncle, et [de] la fille héritière du duc de Lorraine.
Et d'aultre part, durant ces choses, messire Jacques de Harcourt, qui encoires feignoit tenir la partie du duc, tenoit l grosse garnison au Grotoy et faisoit guerre moult forte, par mer et par terre, allencontre des Anglois ; dont le roy d'Angleterre, de ce adverty, n'estoit pas bien content.
En ces mesmes jours vindrent à Paris pluiseurs ambassadeurs et commis de par les trois estatz du royaulme de France par avant mandez, avec lesquelz furent tenus pluiseurs consaulx, en la fin desquelz furent les gabelles et imposicions, quatriesmes et aultres subsides, remises sus, réservez les grains.
