CHAPITRE GXIV

Comment les roys de France et d'Angleterre tindrent leurs estatz à Paris, le jour de Noël; et comment le roy d'Angleterre commença à régenter en France.

Le jour de Noël, tindrent les deux roys leurs estatz dedens Paris ; assavoir le roy à son hostel de Saint- Pol, et le roy d'Angleterre au Louvre ; lesquelz estatz furent bien différens les ungs aux aultres ; car le roy estoit petitement et povrement servy; dont il desplaisoit moult à aucuns François qui ce véoient. Et, quant à parler de Testât du roy d'Angleterre et de la

1. Les deux manuscrits ont « et tenoit ». On les corrige ici par le texte de Monstrelet.

royne, sa femme, et des grans estatz et des habillemens dont luy, la royne sa femme et les princes de son sang estoient adornez ce jour, seroit trop forte à racompter. Et, de toutes pars, venoient les subgetz du royaulme en humilité grant, pour luy faire révérence et honneur; et, dès lors, commença le roy d'Angleterre du tout à gouverner et à administrer les besoingnes du royaulme, et faire officiers à son plaisir, en démectant ceulx qui par le roy et le duc de Bourgoingne mort, et de celluy lors présent, y avoient esté long temps. Il constitua le conte de Kint capitaine de Melun à tout garnison de gens d'armes, et le comte de Hostidonne, son cousin, capitaine du Bois de Vincennes ; et, à Paris, fut ordonné à demourer avec le roy, le duc d'Excestre à tout vc combattans.

Après lesquelles ordonnances, et que la feste de la nativité Nostre Seigneur fut passée, se party le roy d'Angleterre de Paris et la roynne, sa femme, les ducz de Glarence et de Bethfort et aultres de ses princes et grans seigneurs, et s'en alla à Rouen, où il séjourna certaine espasse devant qu'il retournast en Angleterre.

Et pareillement, le duc partant de Paris, s'en alla à Beauvais à la feste et entrée de maistre Pierre Cauchon1, docteur en théologie, nouvel évesque de ceste ville de Beauvais. Puis, de là, s'en alla le duc k Lille, à Bruges et à Gand, où estoit sa femme, la duchesse Michielle, où il séjourna environ trois sepmaines ; et Le Rouge, duc de Bavière, lequel estoit venu servir le

1 . Il faut ainsi corriger en cet endroit Saint-Remy, qui le nomme Cauthon.

roy d'Angleterre, son beau frère, s'en retourna en son pays, es Allemaingnes, pour ce que il avoit ouy nouvelles que les Bohemmyens, instruis et ensaigniés par ung clerc de leur pays, qui estoit hériticque, s'estoient dreschiés et confusément esmeu du venin de hérésie, non pas seulement contre nostre foy catholicque, mais, avec ce, contre le roy d'Allemaigne, de Hongrie et de Boemme; et, en grant multitude luy faisoient guerre mortelle1.