CHAPITRE CX VI

Comment la ducesse de Brabant se partist du duc, son marry, par jalouzie, et s'en alla avec le seigneur de Robersart en Engleterre où elle se maria avec le duc de Clocestre.

En ce mesmes temps, madame Jacques de Bavière, ducesse de Brabant, laquelle, oultre sa voulenté, avoit esté mariée au duc de Brabant par la douagière de Haynnau, sa mère, comme l'en disoit, elle estant à Bruxelles, entra en jalousie pour ce que on disoit que le duc de Brabant, son mary, tenoit une gentil femme, fille d'un chevalier brabenchon. Et de fait, se party la ducesse de l'ostel de son mary, et s'en alla logier en

1. M. Nos deux manuscrits et les éditions L. et B. ont certainement une lacune à cet endroit.

une hostélerie, en la ville, nommée Le Miroir; et là fut tant qu'elle fut envoyée devers sa mère, la contesse douagière de Haynnau, laquelle l'envoya quérir; et s'en alla en Haynnau devers sa mère.

Quant le duc de Bourgoingne sceult le partement de la ducesse de Brabant, sa cousine germaine, il en fut moult desplaisant et envoya devers elle; et, luy, s'en alla à Bruxelles devers le duc de Brabant et besongna tellement que jour fut print que la ducesse de Brabant retourneroit à Bruxelles devers son mary. Auquel jour furent cryées unes joustcs pour, à icelle rassemblée du duc de Brabant et de la ducesse, sa femme, faire une grande et noble feste. Mais, le déable, empescheur de tous biens, ne le peult souffrir, comme vous orez cy après. Vray est que, durant le temps que le duc de Bourgongne et ses gens practicquoient icelle réconsiliacion, le seigneur de Robersart1, haynuyer, de tous temps tenant le party des Ànglois (et aussy faisoient deux de ses frères, ses enfans et la plus parte de son lignage), s'estoit party d'Angleterre et se trouva en la ville de Vallenciennes où lesdictes dames estoient. Et là, fut practicquié le mariage du duc de Glocestre et de la ducesse de Brabant, non obstant qu'elle fust mariée au duc de Brabant, comme dit est. Et tant y fut besoingnié que la ducesse de Brabant leissa icelle belle assemblée qui se faisoit à Bruxelles. Et de fait s'accorda, du consentement de sa mère, de

1. Fenin le nomme aussi Robesart; mais il est nommé « seigneur « d'Escaillon ou à'Estailloii » dans Monstrelet, G. Ghastellain et Wavrin. Je remarquerai, en passant, que Saint-Remy est le seul de tous ces auteurs qui donne, pour motif de la conduite de Jacqueline envers son mari, la jalousie causée par une rivale.

s'en aller avec le seigneur de Robersart en Engleterre, faignant que elle vouloit aller en Ponthieu dont elle estoit dame douagière ad cause du daulphin que elle avoit eu espousé.

Sy se party, la ducesse de Brabant, de Vallenciennes prenant congié de sa mère, et s'en alla au giste, à trois lieues de là, en une ville nommée Bouchain, où icelle nuyt elle ordonna ceulx et celles qu'elle vouloit avoir, pour mener avec elle. Et n'est mie à doubler que, elle et le seigneur de Robersart avoient ordonné l'eure que elle devoit partir de ladicte ville de Bouchain .

Gomme vous avez ouy, la ducesse coucha une nuyt à Bouchain, et l'endemain, devant le jour, elle fut à cheval, elle ve de femmes, et ung petit nombre de gens ; mais elle ne fut gaires eslongie de Bouchain que elle trouva le seigneur de Robersart, en sa compaignie environ xl chevaulx où la plus part estoient archiers. En ce point, s'en alla la ducesse de Brabant en Angleterre; dont en advint depuis de grans guerres et aultres maulx es pays de Haynnau, de Hollande et Zel lande, dont elle estoit héritière, comme cy après sera dit.