CHAPITRE GXVII

Comment le daulphin fut bannij du roijaulme et jugié indigne de la succession du roijaulme de France; et comment le seigneur de Lille Adam fut fait prisonniers du duc d'Escestre, capitaine de Paris.

Devant que le roy d'Angleterre se partist de Paris, pour passer la mer, fut appelle le daulphin à la table

de marbre; et là turent faictes en ce cas toutes les solempnitez acoustumées contre luy et ses complices, pour le criesmes fait en la personne de Jehan, duc de Bourgoingne. Et pourtant que ausdis appeaulx ne alla, ne envoya, fut par le conseil royal et par le parlement bannis du royaulme et jugié indigne de succéder à toutes seignouries venues ou advenir ; mesmement de la succession et actente qu'il avoit à la couronne de France ; non obstant que de icelle fust vray héritier après le trespas du roy, son père, selon les coustumes anciennes de ce noble royaulme.

En après, le duc d'Excestre, qui estoit capitaine de Paris, pour certaines causes qui ad ce le meurent, fist prendre le seigneur de Lille Adam par aucuns de ses Anglois ; pour laquelle prinse s'assemblèrent jusques à deux milles1 hommes du commun de Paris, pour le rescourre de ceulx qui le menoient à la bastille Saint- Anthoine. Mais, tantost le duc d'Excestre, à vc 2 combattans, ou environ, la plus grant partie archiers, se frappèrent dedens eulx, et fist tirer les archiers au trevers des communes. Pourquoy, tant pour la paour du traict, comme par le commandement qu'il leur fist de par le roy, se retrayrent assez briefz en leurs maisons ; et le seigneur de Lille Adam fut mis prisonnier et y demoura durant la vie du roy d'Angleterre,

1 . Monstrelet dit : « mil hommes ou plus » ; on sait que la contraction au pour à le s'écrivait de la même façon que l'alternative ou. Faut-il lire ici dans le sens qu'il y avait mille hommes tout au plus, ou bien qu'il y en avait un plus grand nombre? Wavrin dit qu'il y avait « bien mille hommes ».