CHAPITRE CXXVI

De la puissance que le duc de Bourgoingne mena devant la ville de Cône sur Loire pour combattre le daulphin qui Vavoit faict asségier; lequel n'y comparu pas. Du trespas du roy Henry d' Engleterre , et des remonstrances qu'il feit aux princes d'Engleterre.

En ce temps, le daulphin assembla environ xxmcombattans et se tira à tout iceulx vers Ausoire l . Et là se tint assez longhe espasse. Durant lequel temps fist asségier la ville de Cône sur Loire, qui enfin fut constraincte de traictier par condicion qu'ilz luy renderoient, ou cas que le duc ne les secourust, en dedens le xve 2 jour d'aoust ensuyant. Et pour ce entretenir, baillèrent hostagiers ; et disoient les aucuns que audit jour que la dicte ville se devoit rendre ou combattre,