Sancerre ». M

2. Il n'y a point accord entre les chroniqueurs sur cette date. Ghastellain et Wavrin disent le xvij ; Fenin le xviij. Les éditions de M. elles-mêmes ne s'entendent pas. On lit « le xxvij » dans M.D.D., et « le seizième » dans B. Cette date du 16 est celle adoptée par les historiens Villaret et Henri Martin.

le daulphin y seroit en personne. Pour laquelle cause le duc fist très grant mandement par tous ses pays de Bourgongne, de Picardie, de Flandres et Artois; et sy envoya devers le roy d'Angleterre, luy requerrant qu'il luy envoyast certain nombre de ses gens. Le roy d'Angleterre, moult désirant de complaire au duc, respondit que ce ne feroit-il pas; mais il yroit en propre personne avec toute sa puissance.

Le roy d'Angleterre, qui estoit en la cité de Senlis, non pas bien disposé de sa personne, fist partir son ost soubz la conduicte du duc de Bethfort, pour estre en la compaignie du duc à ceste journée; et luymesmes, assez agrevé de maladie, partist de Senlis, après ce que il eult print congié au roy, à la roync, et aussy à la royne, sa femme, que oncques puis ne le veit; et alla à Melun où il se fist mectre en une litière, en intencion de aller à la journée dont dessus est faictc mencion. Mais, pour tant que il se senty trop afïbibly et que il empiroit de jour en jour, retourna et se fist mener au Bois de Vincesnes où il fîna ses jours, comme cy après sera dit. Et le duc de Bethfort, à tout son ost, se tirèrent, par pluiseurs journées, jusques au pays de Bourgongne, et aussi firent tous les seigneurs de Picardie, lesquelz le duc avoit mandé; et tant cheminèrent qu'ilz se trouvèrent en la ville de Yédelay où ilz trouvèrent le duc qui les actendoit à tout grant puissance de gens d'armes. En après, tous les princes et capitaines joinctz ensemble, chevauchèrent tant que ilz se trouvèrent devant la ville de Cône, devant laquelle ilz se logèrent la nuyt dont l'endemain ilz dévoient estre combattis, comme l'en disoit. Mais le daulphin , sachant la puissance du duc et des

princes dessus nommez se retrayt devers Bourges en Berry, à tout son armée, et de par luy ne comparut homme à ladicte journée. Et ainsi demoura la ville de Cône en l'obéyssance du duc.

Et, après ceste journée passée, le duc remerchia les princes et aultres qui ainsi l'avoient acompaignié ; et bien y estoit tenu; car de mémoire d'homme ne fut veu telle puissance ne plus à redoubter, pour combattre à piet, qui estoit celle là. Le duc fist de grans dons, puis se retira en Bourgongne, les Angiois en France, et les Picars en Picardie. Auquel retour vindrent certaines nouvelles au duc de Bethfort, sur le chemin, que le roy d'Angleterre estoit moult oppressé de malladie en grant péril de sa vie. Et, pour ce, incontinent avec luy aucuns de ses plus féables et privez, à privée maisnie, chevaucha en haste, jusques au Bois de Vincesnes où il trouva le roy d'Angleterre moult grief de sa personne.

Il vint aussi à la congnoissance du duc; pourquoy il envoya messire Hues de Lannoy pour le visiter et savoir en quelle point il estoit. Aucuns disoient que le roy d'Angleterre, sentant soy estre moult oppressé de malladie, fist venir devant luy son frère le duc de Bethfort, son oncle le duc d'Excestre, le conte de Werwic, messire Loys de Robersart et aucuns autres jusques au nombre de vij ou viij , où il a voit la plus grant fiance. Sy leur remonstra et dist assez piteusement parolles cy desoubz escriptes; disant comment il véoit bien que c'estoit le plaisir de son Créateur qu'il tînast sa vie et qu'il délaissast le monde. Et après, dist au duc de Bethfort : « Beau frère, je vous « prye que sur toute la loyaulté et amour que avez

« eu à moy, que soyés tous jours bon et léal à mon « filz, vostre nepveu. Et, ou cas que beau frère de « Bourgoingne vouldroit emprendre le régime du « royaulme de France, je vous conseil que luy bailce liés. Mais, se il le refuse, vous le prenderez. Et à « vous, beau oncle d'Excestre, je vous laisse seul et « pour le tout , le régime d'Angleterre ; car je sçay « que moult bien le saurez gouverner. Et vous prye « que, pour quelque affaire que vous ayez, ne retource nez plus en France. Et, avec ce, vous ordonne à « estre du tout gouverneur de beau fîlz, vostre « nepveu ; et vous requiers , sur tant que me amez , « que le véez et visitez très souvent en vostre perce sonne.

« Et vous, beau cousin de Werwic, je veul que « soyez son maistre et que demourez du tout avec « luy, pour le conduire et apprendre selon Testât « qu'il apertient : car, je n'y sçauroit mieulx pource veoir. Et de rechief, vous prie à tous que gardez, « sur tant que povez mesprendre, que n'ayez aucune « discention avec beau frère de Bourgoingne ; car, ce « il advenoit (que Dieu ne veulle!) que il y euist « entre vous et luy aucune malivolence, les besoingnes « de ce royaulme, qui sont moult avanchies pour « nostre party, en pourroient grandement empirer. « Sy, ne délivrez pas de prison beau cousin d'Orléans, « les contes d'Eu et d'Angolesme, jusques à tant que « beau filz Henry aura son eage compétent; et des « aultres, faictes comme bon vous semblera. »

Après lesquelles parolles, ou semblables, les seigneurs là estans luy respondirent moult humblement, chascun en droit soy, ayans au ceur grant tristesse,

que tout ce qu'il leur ordonnent et sçauroient que ce seroit son plaisir estre fait, ilz le acompliroient à leur povoir, sans en riens aller au contraire. Après, se partirent de la chambre aucuns d'eulx.

Messire Hues de Lannoy, qui avoit esté envoyé devers luy de par le duc, après qu'il eust acompli sa légation , et eu aucunes parolles avec le roy d'Angleterre, s'en retourna en Bourgoingne devers le duc, son maistre. Le roy d'Angleterre, tant oppressé de malladie que plus ne povoit, fïst venir devant luy ses médecins et leur requist bien instamment qu'ilz luy voulsissent dire, selon ce que ilz povoient veoir de luy, quel terme de vie il povoit encores bien avoir. A laquelle chose feurent grant espasse sans luy faire responce, si non de baillier espérance, en disant que il estoit bien en Dieu de le faire retourner en santé. Sy ne fut pas de ce content, et les requist, comme dessus, qu'ilz luy deissent la vérité. Et adont parlèrent ensemble, et par la bouche de l'un d'iceulx qui se mist à genoulx devant luy, lui fut dit : « Sire, pensés à « vostre fait1 ; car, il nous semble, se n'est la grâce de « Dieu, que il est impossible que vives plus de « quatre2 heures. »

Et lors, manda son confesseur et aucuns gens d'église de sa famille, et ordonna à dire les sept psalmes. Et quant vint à : « bénigne fac, Domine, » où il y a en icelluy vers : « mury Jherusalem, » il les fïst arester et dist tout hault que, sur la mort que il attendoit, il avoit intencion, après ce que il auroit mis