deux ». M

le royaulme de France en paix, de aller concqucrre Jhérusalem, se ce eust esté le plaisir de son Créateur de le leissier vivre son eage. Et, après ce que il ot ce dit, il les fist parfaire. Et assez brief ensuivant, selon le terme que ilz avoient dit, iceulx médecins, alla de vie à trespas , le derrain jour d'aoust. Pour la mort duquel, son frère le duc de Bethfort et tous les aultres princes, généralement ceulx de son royaulme d'Angleterre, firent grant lamétacions et demourèrent en grant tristesse. Et, tantost après, furent enterrées ses entrailles en l'église et monastère de Saint-Mor des Fossés; et son corps misrent en ung sarchus de ploncq.

Le duc de Bourgoingne se party de son pays de Bourgongne et [exploicta tant que il se trouva au Bois de Vincesnes et] ' alla veoir et visiter le duc de Bethfort et les aultres princes là estans ; puis se partist de là et alla à Paris. Le corps du roy d'Angleterre fut mené en grant triumphe de gens à Paris et mis dedens l'église Nostre-Dame ; et luy fut fait ung service sollempnel, et de là fut mené en la cité de Rouen, et là demoura assez longue espasse de temps.

Pour la mort du roy d'Angleterre, et pour avoir advis au gouvernement du royaulme, s'assemblèrent pluiseurs princes en conseil en la ville de Paris; et là fut conclud et promis par eulx de rechief, en la fourme et manière qu'il avoit esté traictié aultreffoiz entre les deux rois, à Troyes, que ilz entretenroient la paix finalle que promis et juré avoient.