CHAPITRE GXXVII
Comment le corps du roy Henry d' Engleterre , dit le Goncquerrant, fut porté en Engleterre, et enterré à Westmoustier auprès de ses prédécesseurs . De la pompe funèbre qui fut faicte tant en chemin que en Angleterre.
En la ville de Rouen fut ordonné comment on menroit le corps du roy d'Angleterre en son pays. Sy ordonnèrent ung chariot que menoient quatre grans chevaulx ; et avoient1 sa semblance en présentacion et en le représentant de cuyr bouly, paint moult richement, portant en son chief couronne d'or moult précieuse ; et tenoit en sa main dextre le septre royal ; et en la sénestre avoit une pomme d'or, comme empereur ; et gisoit en ung lit dedens le chariot, le visaige vers le ciel; duquel lit la couverture estoit de drap
1. « et avoient fait sa semblance et représentation ». M. et W. il 5
d'or de cramoisy. Et avec [ce], onportoit, à passer parmy les bonnes villes, par dessus le chariot, ung moult riche drap de soye à iiij bastons en la manière que on l'a acoustumé à porter sur le corps de Jhésu Grist, au jour du Saint-Sacrement.
Etainsi allans, moult grandement acompaignié de ses princes et de la chevalerie de son hostel, fut mené le droit chemin de Rouen à Abeville , et mis en l'église Saint-Wlfram. Et si avoit moult de gens d'église à la dextre et sénestre partie du trespassez, qui nuyt et jour, les ungs à piet, les aultres chevauchant, cheminant ou arestant, chantoient sans cesser l'office des mors, et célébroient tous les jours pour luy, depuis le point du jour, es églises où ilz se logoient, messes jusques à tant que il estoit heure de partir. Et d'Abbeville s'en alla à Hesdin, à Monstreul, à Boulongne et à Calais; et, tousjours sur le chemin, y avoit autour du chariot pluiseurs hommes vestus de blancq, qui portoient en leurs mains torches allumées. Et derrière estoient vestus de noir ceulx de la famille du roy d'Angleterre ; et après, sievoient ceulx de la lignie vestus de vestemens de pleurs et de dueil. Et en ensuivant tout, alloit la royne , en grant compaignie , environ de une lieue1 long.
De Calais passèrent, par mer, à Dovres en Engleterre, et puis par Cantorbye à Rocestres, et à Londres, où ilz arivèrent la nuyt Saint-Martin d'iver. Allencontre duquel yssirent de Londres xv évesques, vestus de casulles pontificaulx et pluiseurs abbés mistrés, et les aultres hommes d'église en grant nombre, avec grant
