environ demie lieue ». M

multitude de bourgois et aultres du commun ; les gens d'église tous ensemble chantans l'office des mors; et le menèrent par le pont de Londres et par la rue des Lombars jusques à l'église Saint-Pol. Et, au plus près du chariot, estoient plourans les princes de son sang : et avec ce, le premier cheval, des quatre qui menoient ledit chariot, avoit ung colier qui estoit painct des anciennes armes d'Angleterre. Ou colier du second cheval estoient painctes les armes de France et d'Angleterre esquartelées , lesquelles luy-mesmes portoit en son vivant. Ou colier du tiers cheval estoient painctes plainement, sans différence, les armes de France; et ou colier du quart estoient painctes les armes que portoit, quant il vivoit en ce monde, le roy Artus. Et après que le service du roy eult esté faict royallement, ilz le portèrent en terre, en l'église de Wastmoustier auprès de ses prédécesseurs roys d'Angleterre. Auquel entérement fut faictes, en toutes choses, généralement plus grant estât et beubant que depuis deux cens ans par avant n'avoit esté fait de nulz roys d'Angleterre.

Ainsi et par ceste manière fina le roy Henry, en la fleur d'eage : car, quant il alla de vie à trespas, il ne povoit avoir que environ de xl ans ; et estoit moult sages et expers en toutes besoingnes dont il se vouloit entremectre, et de très hault vouloir. Et avoit, en vij ou viij ans que son rengne dura ou royaulme de France, fait en icelluy de très grans concquestz plus que nulz de ses prédécesseurs roys d'Angleterre ne avoient fait longtemps par avant. Et, pour vray, il estoit si crému et doubté de ses princes et capitaines qu'il n'en y avoit nulz, tant luy fust prochain, qui

osast transgresser ses ordonnances, par espécial ceulx d'Angleterre. Et pariellement estoient ad ce réduis tous ceulx du royaulme de France, de quelque estât qu'ilz fuissent, estant en son obéyssance et dominacion. Et la cause principale si estoit pour ce que ceulx qui faisoient le contraire, en enfraingnant ses commandemens et ordonnances, faisoit pugnir très cruellenient, sans en avoir miséricorde. Et bien entretenoit la discipline de chevalerie comme jadis faisoient les Rommains.

Et après toutes besoingnes acomplies, s'assemblèrent tous les trois estas d'Angleterre pour avoir adviz sur le régime du royaulme, et pour baillier gouverneur à leur petit roy Henry, qui, pour lors, n'avoit que xviij l mois d'eage ou environ. Les trois estas d'Angleterre ordonnèrent, premièrement, au gouvernement de la personne de leur roy, ung sage et vaillant conte nommé Richart de Beaucamp, conte de Warwic dont, devant, est pluiseurs foiz parlé; puis luy baillèrent estât bel et soufïîssant. Et, après, aux affaires du royaulme, eulrent adviz selon leur sage et pourveue discrécion.

Gy laisse à parler de la mort du roy d'Angleterre , et parleray de la mort de la ducesse de Bourgoingne, et de celle du roy, son père.

1. M. et W. disent xvj. Fenin dit io, et R. un an. S'il ne survient pas d'opposition à la date du 6 décembre 1421, que l'on a adoptée pour celle de la naissance du roi Henri VI, on a le moyen de corriger chacun de nos chroniqueurs et de les ramener au temps vrai; Henri V, son père, étant mort le 31 août 1422.