CHAPITRE CXXX

Comment ceulx de Melenc se rendirent Daulphinois , mais incontinent furent constraintz de eulx rendre au duc de Bethfort, régent de France, à leur grant perte et dommage.

Le xiiije jour de février1, oudit an, ceulx de Melenc, désirans estre daulphinois, se rendirent au seigneur de Granville , lequel y mena hastivement vc combattans pour tenir la place pour le daulphin. Mais, si tost que le régent en fut advertis, il y alla hastivement à

1. M. dit : « janvier ». Le Bourgeois de Paris dit : « en icelui « temps, le premier jour de l'an » ; et ensuite : « le dixiesme jour « après qu'ils eurent pris Meulan, à la commutation du mois de « janvier, douziesmé jour ».

tout grant plenté d' Anglais et des communes de Paris, et les assiéga; lesquelz, non garnis de vivres ni de artillerie, pour tenir la place contre les Anglois, se mirent en composicion. C'est assavoir, « qu'ils renderoient ledit pont et chastel ainsi garny, comme il estoit, sans y riens démolir. Item, que tous ceulx de là dedens se renderoient, de1 la pure volenté du régent, saulf leurs vies seulement; excepté ceulx, s'aucuns en y avoit, qui aultrefïbiz eussent fait serment au roy d'Angleterre, ou qui eussent esté conscntans de la mort de feu le duc Jehan de Bourgongne; excepté aussi ceulx d'IUande, de Galles ou d'Escoche, se aucuns en y avoit, et ceulx aussi qui furent à la première embusche, pour prendre le pont et. la forteresse, et les canoniés de layens. Item, tous les biens de layens lairont à la congnoissance et voulenté du régent2. » Et se fist la reddicion de ladicte place, le samedi 1er jour de mars, oudit an.