CHAPITRE CXXXI

Comment le chasteau de Dommarc fut prins des Daulphinois.

Le dimence, xxe3 jour de mars ensuivant, pren-

2. Le traité, du 1er mars, est textuellement dans Monstrelet, en 8 articles, dont Saint-Remy ne donne que les 1er, 2° et 3e, et encore, très sommairement. Ajoutons que le 1er mars ne tombait pas un samedi, mais un lundi.

3. Le 20 mars 1422 (v. s.) tombait un samedi; le jour de Pâques suivant étant le 4 avril.

drent d'eschielle et de nuyt, les Daulphinois de Reu, le chastel de Dommarc en Ponthieu; et prindrent, layens, messire Simon de Boulenvillier, chevalier, Jehan de Doncquerre et pluiseurs aultres gentilz hommes estans layens. Le Borgne de Fosseux, seigneur dudit lieu de par sa femme, s'en eschappa, et Jacques de Craon, son beau filz, avec luy pluiseurs aultres hommes et femmes estant tant oudit chastel comme en la ville. Et là trouvèrent les Daulphinois tant d'or et d'argent1, de vaisselle, et d'aultres biens, que eulx mesmes en eulrent grant merveilles; sy que, depuis lors jusques ad ce que ilz abandonnèrent ladicte place, ilz ne cessèrent de mener et transporter, à Reu, tant de biens que sans nombre, et si en lessèrent assez des mendres biens. Puis abandonnèrent la dicte place, doubtans que là ne fuissent asségiés, et s'en retournèrent à Reu. Et lors, incontinent que ilz furent issus, le seigneur de Croy s'en alla bouter dedens; et si remena lesdis de Fosseux et de Craon; mais ne le trouva point si bien garnie, comme estoit devant ladicte prinse2.