CHAPITRE XXXIII
Comment les Daulphinois perdirent la bataille contre les Bourguignons et Anglois, devant la ville de Crevans quih avoient assiégie.
En ce temps, le daulphin , qui avoit assemblé ung grant ost de toutes gens privez et estrangiés (car en son ost estoient François, Lombars, Arragonnois,
Escochois et Espaignolz) , envoya partie de ses gens asségier la ville de Crevans séant sur la rivière de Ceure auprès la rivière d'Yonne. Quant la dame douagière en Bourgongne en fut advertie, elle le signifia au régent et au mareschal de Bourgoingne qui se mist sus hastivement, et à grant dilligence fist tant que à Ausserre s'assemblèrent grant nombre de Bourguignons et Anglois pour lever le siège et combattre leurs ennemis les Daulphinois. Tous lesquelz ainsi assemblez conclurent que ilz yroient combattre leurs ennemis; et se , firent publier : « que Bourguignons et Anglois fuissent en armes en unyon et sans noize, sur paine de mort1.
« Item, fut ordonné que si tost que ilz viendroient au lieu de la bataille, que chascun descendeist à piet, et que les chevaulx fussent y menez demie lieue long arrière de la bataille.
« Item, que chascun euist ung peuchon de viij piez de long, pour fichier devant eulx en terre contre l'effort des chevaulx de leurs ennemis.
« Item, que nul ne preist prisonniers jusques à ce que la bataille seroit gaingnie.
« Item, que chascun se pourveuist de vivres pour deux jours. Et se, ordonnèrent à ceulx d' Ausserre de pourveoir leur ost de vivres à toute dilligence.
« Item, que tous se meissent, ceste nuyt, en oraison et pryères le plus dévotement que ilz pourroient,
1. « à la voulcnté des cappitaines d, dit Monstrelet. L'ordonnance a neuf articles dans sa chronique. Saint-Remy en analyse seulement les 3e, 4e, 5e, 6e et 7e, et il l'augmente d'un dernier relatif aux « oraison et pryères ».
actendans, l'endemain, la grâce de Dieu, de vie ou de mort. »
Quant ce vint l'endemain, environ deux heures après midy, Anglois et Bourguignons se partirent d'Aussére, en grande fraternité et union ; et se logèrent, celle nuyt, à une lieue prés de leurs ennemis. Et l'endemain, se mirent à chemin tous ensemble, pour trouver leurs ennemis ; lesquelz se estoient tenus, trois jours et trois nuyts, sur une montaingne, en bonne ordonnance et en grant nombre; et avoient laissié partie de leurs gens en leur siège devant Crevant.
Anglois et Bourguignons s'en allèrent mectre en ordonnance devant eulx; sy que entre les deulx ostz n'y avoit que la rivière d'Yonne. Les Daulphinois descendirent de leurs montaingne en ordonnance de bataille, et furent en ce point, les ungs devant les aultres, bien trois heures sans aultre chose faire, la rivière entre les deux ostz.
Et, entretant, aucuns Anglois gaignèrent le pont de Grevant et s'en allèrent envahir leurs ennemis, sans barguignier; et les aultres passèrent la rivière le mieulx que ilz peurent ; et ceulx de dedens saillèrent aussi sur les Daulphinois, si que ilz furent envahis de toutes pars, et tellement furent combattus que ilz perdirent la battaille et se mirent en fuicte et en desconfiture.
En celle bataille furent ochis plus de trois mille Escochois qui estoient au fronc devant; et se rendy prisonnier leur connestable au seigneur de Chastellus. Le Bastart de La Baulme1 et aultres pluiseurs Daul-
