CHAPITRE GXXXVIII

Comment les duc% de Brabant et de Clocestre se submirent touchant leurs procès, à V occasion de dame Jacques de Bavière, que chascun disoit estre sa femme , sur les ducz de Bethfort et de Bourgoingne; et comment le duc de Clocestre reffusa l'appointtement par iceulx faict.

Vous advez ouy comment la ducesse de Brabant laissa le duc de Brabant son mary, et s'en alla en Angleterre avec le seigneur de Robersart. Or, est vray que, jà soit ce qu'elle fust mariée au duc de Brabant, si fut le mariage fait d'elle et du duc de Clocestre, oncle du jeusne roy d'Angleterre et frère du duc de Bethfort, lors régent de France. Duquel mariage sourdirent pluiseurs procez, divisions et guerres. Car le duc de Brabant maintenoit qu'elle estoit sa femme; et, à ceste

1. Ce traité est daté du 18 septembre dans Monstrelet, qui le donne en entier.

2. Saint-Remy n'est pas d'accord ici avec Monstrelet qui dit que les assiégés, sans attendre l'échéance du 1er mars, se rendirent le 26 février.

cause, se disoit seigneur de Haynnau, de Hollande, de Zellande et de Frise ; et pareillement le disoit le duc de Glocestre. Dont, de prime face, s'esmeult procez en court de Romme. Et disoit, le duc de Glocestre, que le mariage du duc de Brabant et de la dame ne povoit 1 riens valloir pour pluiseurs raisons.

Et premiers, que la mère de ladicte ducesse avoit tenu es sains fons de baptesme le duc de Brabant; et avec ce ladicte dame estoit sa cousine germaine. Le duc de Brabant, jà soit ce qu'il fust ainsi, si l'avoit-il par dispensacion espousée en face de sainte Eglise.

Aucuns de leurs amis véans [que] le procez estoit taillié de longuement durer en court de Romme, trouvèrent manière, et firent tant que les deux ducz de Clocestre et de Brabant se submirent sur les ducz de Bethfort et de Bourgoingne, et, jour prins, de déclairer l'appoinctement qui fait en seroit par les princes dessusdis. Or, est vray que pour avoir adviz et besoingnier en ladicte matière, le duc se trouva à Paris devers le duc de Bethfort, et furent assemblez leurs conseilliers en grant nombre ; et par grande et meure délibéracion fut l'appoinctement fait et mis par escript, et envoyé aux ducz de Glocestre et de Brabant, qui tous deulx se disoient mary de ladicte dame.

Or, est vray que le duc de Brabant fut très content dudit appoinctement ; mais le duc de Clocestre le refusa du tout, et dit que son intencion estoit d'avoir les pays de sa femme, et que brief il se y trouveroit bien accompaingnié. Quant le duc fut adverty de la