CHAPITRE CXXX1X

Comment le duc de Bdurgoingne espousa madame Bonne d'Artois, seur du conte [d'Eu], sa belle tante. Du mariage de monseur Charles de Bourbon à la seur audit duc de Bourgoingne, nommée Agnès. Du trèspas de Jehan de Bavière, oncle du duc et ducesse de Brabant, qui délaissa le duc de Bourgoingne, son héritier.

Après ce que le duc eult besoingnié, à Paris, pour le fait du duc de Clocestre, il se party pour aller en Bourgongne , où il espousa madame Bonne d'Artois , seur du conte d'Eu, vesve de feu le conte de Nevers, son oncle, par dispensa[cion] de pape ; laquelle dame n'estoit pas nommée Bonne, sans cause; car, demieulx renommée de bonté n'avoit point ou royaulme.

Après que le duc eult espousé ladicte dame, et besoingnié en ses affaires en Bourgongne, il s'en alla en la ville de Màcon, où il trouva le duc de Savoye, son cousin germain, et les ambassadeurs du duc de Bretaingne ; et là vindrent aussi devers luy les ambassadeurs du daulphin, dont estoit le principal monseur Charles de Bourbon ; après, l'archevesque de Rains, l'évesque du Puy, et pluiseurs aultres. Et, là, fut fait le mariage de monseur Charles de Bourbon, et

d'une des seurs du duc, qui furent fianchées et les promesses fàictes es mains de Farchevesque de Rains, qui là estoit, comme dit est.

En ce temps, trespassa Jehan de Bavière, oncle du duc et de la ducesse qui lors avoit espousé le duc de Clocestre; et, pour ce qu'il n'avoit nulz enfans légitismes, par son testament ordonna1 le duc son héritier, et délaissa du tout sa nièpce que on nomma ducesse de Clocestre. En ce mesmc temps, Artus de Bretaingne, conte de Richemont, qui avoit espousé la seur du duc, comme devant est dit, s'en alla devers le daulphin, et demoura de son party ; et le fist, le daulphin, connestable de France.