avec ». M. P

[1424] SEIGNEUR DE SA1NT-REMV. \)l\

gnies, et le conte de Saint-Pol et ses gens vers Brouxelles.

Vous advez oy comment le duc, luy estant en Bourgoingne, manda à ses gens de Picardie et Artois, qu'ilz se armassent pour aller au service de son cousin, le duc de Brabant1 ; comme ilz firent. Or, est vray que, icelles choses faictes, le duc se party de son pays de Bourgoingne et retourna en son pays d'Arthois pour faire toute assistence à son cousin de Brabant à rencontre du duc de Clocestre. Quant le duc de Clocestre sceult que le duc estoit arrivé en Arthois, et que il assembloit gens, et, avec ce, que il avoit veu la coppie des mandemens que le duc avoit envoyé en son pays de Picardie et ailleurs, par lesquelz il mandoit à tous ses subgetz qu'ilz allassent aydier et conforter son cousin de Brabant, le duc de Clocestre en prist si grant despit qu'il en rescripvit au duc bien merveilleuses et poingnans lettres, telles et dont la teneur s'ensuyt.