CHAPITRE CXLI

Comment la ville de Braine en Haynnault fut rendue au duc de Brabant; et comment les Brabenchons retournèrent en leur pays.

Quant le duc oy dire que le duc de Glocestre estoit entré dedens le pays de Haynnau , pour icelluy concquester, il se prépara en toute dilligence, pour retourner en son pays d'Artois, pour conforter et aidier le duc de Brabant, son cousin. Or, est vray que la plus

part des gens de guerre du pays de Picardie se misrent sus, pour aller en ayde au duc1 de Brabant. Quant le duc de Brabant sceult la venue du duc de Clocestre en Haynnau, il assembla grant nombre de gens de guerre, et tant que son armée fut estimée à plus de xxm combatans, sans les aultrcs du pays du duc. De l'armée du duc de Brabant estoit chief le conte de Saint-Pol, frère du duc de Brabant. Des aultres pays avoit pluiseurs capitaines; c'est assavoir, le conte de Gonversan, frère de messire Jehan de Luxembourg ; le seigneur de Croy ; messire Englebert d'Enghyen ; Le Bastart de Saint-Pol , seigneur de Haubourdin ; le seigneur de Lille Adam; le seigneur de Humiers; Poton de Saintrailles, et pluiseurs aultres.

Quant icelle armée fut mise ensemble, ilz entrèrent ou pays de Haynnau et mirent le siège devant la ville de Brayne, dedens laquelle avoit pluiseurs Anglois. Quant le duc de Clocestre sceult que ses gens estoient asségiés, il assembla le plus grant nombre de gens que il pot finer, tant Englois comme Haynuyers, et s'en alla logier en la ville de Sougnies, à une lieue du siège des Brabanchons. Mais, toutefïbiz, il ne fut point conseillié de les combattre, et se tint en icelle ville durant le siège qui guerres ne dura; car ceulx de la ville prindrent traictié qui fut telle que les Anglois s'en yroient en Angleterre, sans retourner devers le duc de Clocestre, ung baston en leurs mains ; et ceulx de la ville prisonniers, leurs vies saulves.

Après la reddicion de ladicte ville, fut conclud par le conte de Saint-Pol et les nobles de sa compaignie de

t. « aller — au duc ». M. P.

aller mectre le siège devant Sougnies , où le duc de Clocestre estoit. Et de fait, fut tout ledit appareil pour y aller à l'endemain matin. Touteffoiz il n'en fut riens fait, pour ce que, devant le jour, les Brabanchons, assavoir, les gens et communaultez de Brabant, qui là estoient en la compaignie dudit conte de Saint-Pol, se deslogèrent et chargèrent tentes et pavillons, et s'en retournèrent en leur pays de Brabant, après ce qu'ilz eulrent arse et destruicte la ville de Braine ; dont le conte de Saint-Pol et les nobles furent moult desplaisans, et furent constrains de laissier leur entreprinse et prendre chemin après1 les aultres.

Quant le duc de Clocestre sceult le partement des Brabanchons, il yssy hors de la ville de Sougnies, en sa compaignie environ vjm combattans, et se trouva aux champs, ung peu oultre la ville de Braine, assez près de [une petite vallée où passe2] ung petit ruyssel d'eaue, là où estoit le conte de Saint-Pol, les capitaines et nobles dont dessus est faicte mencion; lesquelz estoient en belle ordonnance, actendant la bataille du duc de Clocestre; et ceulx de Brabant s'en alloient le grant chemin à Brouxelles. Et quant le duc de Clocestre vit ses adversaires prestz pour combattre, il s'aresta, et en la place où il estoit se mist en bataille; et là furent les deux battailles, l'une devant l'autre, la petite eaue entre eulx deulx, depuis le matin jusques au vespre sans combattre, sy non pluiseurs escarmuches qui se firent entre deux batailles. Et quant vint sur le vespre, le duc de Clocestre retourna à Sou-