CHAPITRE LXIII

Comment le roy d' Angleterre feist esqiiipper une grosse armée de mer, pour passer en France. De V ambassade envoyé par le roy au roy d' Aîigleterre ; des offres qu'il luy feirent, et la responce du roy d'Angleterre.

Les ambassadeurs du roy d'Angleterre, qui moult honnourablement avoient esté festiez en France, retournèrent devers leur souverain seigneur qu'ilz trouvèrent auprès de Londres , auquel ilz firent leur relacion de ce qu'ilz avoient trouvé devers le roy ; de laquelle responce le roy d'Angleterre ne fut pas content. Pour laquelle cause fist assembler son grant conseil, pour avoir adviz à trouver navire, et aussi pour préparer tout ce qu'il luy falloit pour passer en France, pour recouvrer son royaulme, se faire se povoit. Et, pour avoir navire, envoya ses depputez en Hollande et Zélande, ouquel pais trouva navire, par ainsi que ceulx à qui c'estoit fussent bien asseurez de payement. Le roy d'Angleterre trouva manière de lever grant argent en son royaulme, et veult-on dire

que sa finance en compte montoil bien' v*^ mil nobles, ou le monnoie à la vulleur. Sa tinance faicte, se conclud et délibéra de passer en France, à tout le plus grant puissance que bonnement se pourroit tiner; lesquelles nouvelles furent en brief temps sceues à Paris. Pour laquelle cause le duc de Guiennc, (|ui avoit prins le gouvernement du royaulme, feist assembler le conseil; et pour ce que, lors, il estoit assez esseulé des princes du sang royal, il remanda le duc de Berry, son oncle, et pluiseurs aultres, avec lesquelz il tint pluiseurs consaulx, pour savoir qu'il avoit affaire pour la deffence du royaulme allencontre des Anglois.

Sy fut, de prime face, advisé que on metteroit gens en garnisons sur les pors de mer et en pluiseurs aultres lieux, et que, pour les paier, on mecteroit une taille sus par tout le royaulme. Et, avec ce, fut appoinctié que on envoyeroit une ambassade en Angleterre pour essayer à rompre l'arivée^ du roy d'Angleterre, se faire se povoit, tant par traictiez, offres, comme aultrement, en faisant responcesaux demandes que avoient fait les ambassadeurs duroy d'Angleterre, qui nagayres avoient esté en France. Et furent les ambassadeurs ordonnez; c'est assavoir, le conte de Vendosme, l'archevesque de Bourges, l'évesque de Lizeux et pluiseurs aultres. Iceulx prinrent leur chemin de Paris à Calais, et là montèrent en mer pour aller en Angleterre. Sy estoient environ quatre cens chevaulx; si furent par les gens du roy d'Angleterre conduis et menez devers

1. M. P. et L., « moutoit bien en compte; » mais L. dit six cens mille.