M. P. et L., « l'armée

lui à Vincestre, où ilz le trouvèrent, avec luy ses trois frères, de Clareuce, de Bethfort et de Clocestre, et pluiseurs aultres grans seigneurs. Et par la bouche de l'archevesque de Bourges fut exposée la charge que ilz avoient; premièrement en latin, et puis en françois, très sagement et prudentement ; dont il fut loez d'Anglez.

Or est vray que, par la charge qu'ilz avoient, ilz offrirent au roy d'Angleterre madame Catherine de France, pour sa femme et espeuse, que pluiseurs foiz il avoit fait demander, avec grant somme d'argent, moyennant bonne paix ou longhes trêves se feroient entre les royaulmes de France et d'Angleterre, et que le roy et ceulx de son sang désiroient avoir paix et union avec le roy d'Angleterre. Le roy d'Angleterre respondy qu'il y auroit advis, et que en brief temps il leur feroit responce.

Sy ne demoura guaires que le roy d'Angleterre leur fist respondre par l'archevesque de Cantorbie , qui reprnit de mot à mot, ou en soubstance, la proposicion des François ; et dist que le roy d'Angleterre estoit bien content d'avoir traictié avec le roy de France et de prendre sa fille à mariage, moyennant que il auroit, avec la fille du roy, les duchiez de Guienne et de Normandie, d'Anjou et de Touraine, les contés de Poitou, du Mans et de Ponthieu, qui anchiennement ont esté à ses prédécesseurs roys d'Angleterre et encoires doivent estre. Et, se ainsi ne luv vouloit faire, il avoit intencion de descendre en France, et, à l'ayde de Dieu, de recouvrer tout le royaulme, qui de droit luy doit appertenir.

Après ces choses dictes, le roy d'Angleterre advoua

l'archevesque de Caiitorbie, disant que au plaisir de Dieu, se ou ne le vouloit ainsi faire, que briet' il seroit en France.

Aucuns dient que l'archevesque de Bourges, oyantles grandes demandes ([ue faisoit faire le roy d'Angleterre, demanda congié de respondre, en disant ainsi au rov d'Angleterre : « Révérence gardée, que penses-tu « voellans débouter injustement le très crestien roy « des François, le [)lus noble et le plus excellent de « tous les roys crestiens, de la chayere et trosne de si « grant et si puissant royaulme? Et cuides-tu que, « révérence gardée tousjours , qu'il t'ait offert ou « fait offrir à toy donner sa terre et finance, avec sa « propre fille, pour la crémeur de toy et de tes biens « vueillans? Nannil. Mais, à la vérité, il l'a fait par « pitié, comme ameur de paix, afïin que le sang inno- « cent n'en soit point espandu, et que le peuple cres- « tien, par les tribulacions de batailles, ne fust point « destruit. Appellant l'ayde de Dieu tout puissant, de « la benoitte Vierge Marie, de droit et de raison , par « les armes de luy et de ses loyaulx vassaulx, subgectz « et alliez et bien vueillans, tousjours révérence « gardée , tu seras enchassié et reboutté de son royaulme « et de toute dominacion, ou tu y seras prins ou mort, a Sy te requérons que, pour la révérence de nostre a souverain seigneur, duquel nous sommes ambassade deurs, tu nous faces renmener seurement hors de « ton royaulme et de tes seignouries, et, avec ce, qu'il « te plaise rescripre à nostre souverain seigneur, par « lettres séellées du seau armoyé de tes armes, la « responce telle que tu luy veulx faire. »

Le roy d'Angleterre fist faire grant chière aux am-

bassadeiirs, et si leur fist baillier par escript la responce, les fist aussi conduire hors de ses terres et seignouries. Lesdis ambassadeurs, quant furent retournez à Paris en plain conseil devant le duc de Guienne, et que ilz eurent baillié les lettres du roy d'Engieterre, racontèrent et dirent de mot à mot ce que ilz avoient fait. Vous advez ouy comment l'ambassade de France fut en Angleterre. Or est vray que, tantost après que lesdis ambassadeurs de France furent partis d'Angleterre, le roy Henry d'Angleterre fist toutes ses préparacions et ordonnances pour tirer droit au port de Hantonne, pour là monter en mer et descendre en France. Et avoit en sa compaignie, quant tout fut assemblé, pluiseurs princes et grans seigneurs ; entre lesquelz avoit deux de ses frères ; c'est assavoir, les ducz de Clarence et de Clocestre, et son oncle le duc d'Iorcq, les contes de Rotelem et de la Marche, le duc d'Excestre, les contes de Hotitum, d'Arondel, d'Osenfort et de Kim, les seigneurs de Ros et de Carnouaille, et pluiseurs aultres grans seigneurs, et, comme l'en disoit, de xvj à XX™ combatans.