CHAPITRE LXIX
Du chemin que le roy d' Engleterre tint, quant il fut passé la rivière de Somme. Comment les François allèrent au devant de luy, et comment Hz se veirent Vung Vautre, et se logèrent 'pour celle nuijt; et comment le roy d'Engleterre ordonna, Vendemain, sa bataille.
Orcouvient retourner à parler du roy d'Angleterre, lequel, au partement qu'il fist, quant il ot passé la rivière de Somme, il se loga auprès d'Athies, comme devant est dit ; puis passa à Doing, auprès de Péronne. Après, alla logier à Mirammont et es parties d'entour, là où il sceult certaines nouvelles que il seroit combattu; puis, print son chemin en tirant vers Encre, et alla logier à ung village nommé Forcheville ; et ses gens se logèrent es villes voisines, et tousjours en telle ordonnance, comme vousadvez ouy, les cottes d'armes vestues. Et l'endemain, qui estoit le merquedi, chevauça d'emprès Luceu , et alla logier à Bonnières le Scallon, et son avant-garde loga à Frévent sur la rivière de Canche. Or est vray que le roy d'Angleterre et ses gens, pour ceste nuyt, furent logiés bien en vij ou viij villages, sans avoir nulz empeschemens ; car, les François estoient allez, pour estreau devant d'eulx, vers Saint-Pol et sur la rivière d'Aubin. Et, à la vérité dire, le roy d'Angleterre se cuida logier à ung aultre
village, lequel avoit esté prins par ses louriers ; mais, lui, comme celluy cjui gardoil le plus les cérimonies d'honneur très loable, fist ce que vous orez,
Vray est qu'eu ce voyage taisant, toutes et quantes foiz qu'il voulloil envoyer courreurs devant villes ou chasteaulx, ouen quelque ses atTaires, il taisoit despouil- 1er les cottes d'armes aux seigneurs ou aux gentil/-li(»mmes qui y alloient, et, à leur retour, le reprendoient. Si advint que, le jour que le roy d'Angleterre desloga de Bonniéres, pour venir vers lîlangy ou auprès, avoit ung village ouquel par ses fouriers lui estoit ordonné, mais non est^ adverty ; ne sachant ledit village où il se devoit logier, passa oultre environ un traict d'arc et chevauchoit avant. Mais, il luy fut dis que il avoit passé son logis. Lors, il s'aresta et dist : « Puisqueje suis passé, jà Dieu^ ne plaise, entendu que j'ay la cottes d'armes vestues,que je doye retourner arrière. » Et passa oultre et se loga où l'avant-garde devoit logier, et fist passer plus avant l'avant-garde. L'endemain, le roy d'Angleterre se party en telle ordonnance qu'il avoit fait les jours paravant, et tousjours tirant son chemin vers Calais. Ce jour estoit le jeudi, xxiiij' jour d'octobre, nuyt Saint-Grespin. Quant le roy d'Angleterre fut deslogié, et que luy et ses battailles furent issus des villages, ses coureurs choisérent ' de toutes pars les François venir, à grant compaingnie, pour aller logier à Rousseauville et à Azincourt, afïin d'estre au devant de luy pour, l'endemain, les combattre.
l. M.t*. et L., « estre. »
