M, P. et L.. « et dist — Jà Dieu

3. M.. « comme acèrent à voir les François de toutes pars « venans. »

Mais, pour retourner au roy d'Angleterre, avant ce qu'il eust passé la rivière de Blangy en Ternois, et aussi pour ce que il y at ung passage et grant destroit, fist desployer vj cottes d'armes à vj nobles hommes de son avant-garde et les fist passer oultre, pour savoir se le passage estoit de nulz gardé ; lesquelz trouvèrent qu'il n'y avoit point de deffence. Sy passèrent les Anglois à grant [puissance et^] diligence ; puis, quant ilz furent passé le village de Blangy, lors sceult le roy d'Angleterre par ses coureurs, pour vérité, que les François estoient assemblez à grant puissance. Le rov d'Andeterre véant devant lui les François, fist descendre toutes ses gens à piet et mectre tous en battaille et belle ordonnance. Et là eussiez veu les Anglois, cuidans le jeudi avoir la bataille, estre en grant dévocion, eulx mectant à genoulx, les mains joinctes vers le ciel, faisant leurs oroisons à Dieu qu'il les veusist mectre en sa garde. Et, qu'il soit vraye, j'estoie avec eulx et veys ce que dessus est dit.

En icelle belle ordonnance demoura le roy d'Angleterre, en lamesme place jusques au soleil couchant. Et d'aultre part les Franchois, qui bien povoient choisir les Anglois, pareillement ce jeudy Guidèrent combattre les Anglois, et se arrestèrent et mirent en bonne ordonnance , vestirent cottes d'armes , desployèrent banières et y furent faiz moult de chevaliers. Là fut fait chevalier Phelippe, conte de Nevers, par le marischault Bouchicault, et pluiseurs aultres grans seigneurs et nobles hommes. Et, assez tost après, arriva le connestable auprès d'Azincourt ; auquel lieu s'assemblè-