CHAPITRE LXX

Comment les François ordonnèrent leurs battailles, pour combattre le roy cV Angleterre.

Or, fault parler des François, que le jeudy au soir, comme devant est dit, se logèrent ou champ qui estoit entre Agincourt et Tramecourt, où la battaille fut l'endemain. En laquelle place , comme est dit, se tindrent jusques au matin, espérans de jamais en partir que, premiers, n'eussent combatu le roy d'Angleterre. Si se mirent et ordonnèrent tous en point. Mais, pour en raconter à la vérité, le jeusdy au vespres, quant ilz eulrent ravisé la place là où ilz s'arestèrent, et là où la bataille fut l'endemain, les princes de France et les officiers royaulx qui là estoient, assavoir, leconnestable, le maryssal Bouchicault, le seigneur [de] Dampierre et messire Clugnet de Brabant, tous deux eulx nommans amiraulx de France, le seigneur de Rambures, maistre des arbalestriers de France, et pluiseurs princes, barrons et chevaliers, fichèrent leurs banières en grant léesse, avec la banière royal du connestable de France , ou camp par eulx advisé et scitué en la conté de Saint-Pol, ou territoire

[1415] SEIGNEUR DE s AINT-RFMY. 24-7

d'Agincourt, par lequel, rendemain, debvoient passer les Anglois pour aller à Calais; et firent, celle iiuyt, moult grant feux au plus près de la banière soubz la quelle ilz debvoieiil, l'endemain, combattre.

Et jà soit ce que les François tussent bien cinc- (juante milles' hommes et grans nombres de chariolz et charettes, canons et serpertines et aultres habillemens de guerre, telz qu'en tel cas debvoit appertenir; néantmoins, si y avoit-il peu de instrumens de musique pour eulx resjouyr ; et à paines, celle nuyt, de tout l'ost des François on n'eust oy ung cheval hennir. Le sçay, pour vérité, par messire Jehan, le bastar de Wavrin, seigneur de Forestel ; car, en cette assemblée, estoit du costé des François, et j'estoye de l'autre costé des A.nglois. De laquelle chose chascun avoient grant merveilles, et n'y prendoient pas bon piet les François ; et aucuns en disoient, comme l'endemain en advint.

Puis, quant ce vint le lendemain au matin, qui fut vendredi, xxv® jour d'octobre, l'an mil iiij*^ et xv, les François, est assavoir, leconnestable de France et tous les aultres officiers du royaulme, les ducz d'Orléans, de Bar , d' Alenchon , les contes de Nevers , d'Eu , de Richemont, de Vendosme, de Marie, de Waudemont, de Blamont, de Salines, de Grant Prêt, de Roussy, de Dampmartin, et généralement tous les aultres nobles et gens de guerre, s'armèrent et yssirent hors de leurs logis. Et lors, par le conseil du connestable et aultres sages du conseil du roy , fut ordonné à faire iij battailles ; c'est assavoir, avant-garde, battaille et arrière-garde.