M. P. et L., « de drap noir

moult, riche coiiier, garny et aourné de moult riches pierres, les vint par deux foiz visiter.

L'empereur séjourna en la ville de Londres, avec le roy d'Angleterre, par l'espasse d'un mois ou cincq sepmaines; mais, quant ilz veirent que ilz ne povoient trouver paix, ne moyen de traictié entre les deux roys de France et d'Angleterre, moult desplaisant, l'empereur s'en départist et print congié du roy d'Angleterre. Et quant le roy d'Angleterre sceult son parlement, il le fîst deffrayer et tous ses gens, hommes et chevaulx. L'empereur venus à Douvres, après ce que les ducz, contes et barons d'Angleterre entrent prins congié de luy, il trouva son navire prest et monta dessus, luy et ses gens, et vinrent au soir au giste, à Calais. Puis, l'empereur, sans guaires séjourner, retourna en France, là où il raconta au roy ce que lui et le duc Guillame avoient peu faire touchant les matières pour venir au bien de la paix ; dont le roy et les princes furent moult courouchiés, car bien sçavoient et espéroient que le roy d'Angleterre ne seroit asoufFy à tant, et que en brief temps, il rappasseroit en France.

Et, quant est à parler du duc Guillame, il se party de Londres environ xij jours après l'empereur, et s'en retourna au pays de Hollande. En ceste année morut le duc Jehan de Berry, oncle du roy, et, depuis, se remaria la ducesse au seigneur de la Trimoulle ; dont le duc de Bourgoingne fut malcontent, car, pour ce jour il n'amoit guaires le seigneur de la Trimoulle; et par droit, ladicte dame estoit contesse de Boulongne. Et, pour ce que le duc de Bourgoingne fut adverty du mariage, hastivement envoya le seigneur de Fosseux,

[ 1 i I 0] SEIGNEim DE SAIXT-REM Y . S8I

lors gouverneur d'Artois, en la ville de Boulongne, pour icelle saisir et niectre en sa main. Mais, desjà, de par le roy, estoit commis le seigneur de Moreul, pour (aire trontièrc allencoiitre des Aiiglois.