CHAPITRE LXXIX
De l'armée de mer que le roy de France meit sus, la quelle fut deffaicte par V armée des Anglais, dont le duc de Clarence estoit chief.
En icelle mesme année fut, par le roy et son conseil , ordonné et advisé de mectre sur la mer, entre France et Angleterre, une grosse armée et si puissante que pour combatre l'armée du roy d'Angleterre ; et mesmement pour garder la mer, que la ville de Hartleu ne fust avitaillie d'Angleterre ne d'ailleurs. Et, pour fournir icelle grosse armée, le roy envoya à Gennes, où il recouvra de viij grosses carrecques, lesquelles le roy fist armer, avec pluiseurs et grans nombres de navires de guerres. Et furent d'icelle armée, chiefz et capitaines, le bastard de Bourbon et messire Robinet de Bracquemont, admirai de France.
Or est vray que, après que la ditte armée fut preste, ilz se mirent en mer, et tant nagèrent qu'ilz se trouvèrent sur la coste d'Angleterre si puissans que iiulz ne les ozoit actendre. Quant le roy d'Angleterre sceult que icelle armée estoit sur la mer pour luy deffendre le passage, il assembla les princes et grans seigneurs de son conseil, et leur tist remonstrer l'armée que les François avoieiitmis sur mer, par laquelle, se provision
282 CimONTQUE DE JEAN LE FÉVRE [1416]
n'y estoit mise, il y recepvroit honte et dommage, en leur requerrant conseil. Sy fut conclud, en ce conseil, de assembler une grosse armée, pour combattre les François sur la mer. Quant il ot son armée preste, il manda son frère, le duc de Clarence, et luy dist : « Je vous ordonne chief de mon armée, et (|ue tous « de madicte armée vous obéyssent, comme à moy. « Et, au surplus, je vous commande que vous allez « combattre l'armée des François, qui de présent sont « sur la mer, et vous gardez, survostre vie, de jamais « retourner en Angleterre, s'ilz vous actendent, que « vous ne les ayez combatus, et, par la grâce de Dieu, « victorieux, ou que vous soyez mors ou prins. »
L'ordonnance du roy d'Angleterre faicte, et son armée preste, où povoit avoir de iij à iiij*^ navires, le duc de Clarence se party, après ce qu'il ot remerchié le roy, son frère, de l'onneur que il luy faisoit; et de luy le congié prist et tant fist qu'il trouva l'armée des François, ausquelz il aborda et assembla à combattre ; et, là, y eult dure battaille. Mais, entîn, furent François desconfis, et, là, y eult mains nobles hommes mors et noyez; entre lesquelz fut mort le gentil chevalier messire Jehan de Bracquemont, filz de l'admirai. Le bastart de Bourbon fut prins et mené en Angleterre ; et quant aux iiij quarracques, elles s'enfuyerent sans combattre, et les aultres furent prinses avec pluiseurs aultres navires de guerre. Et, après icelle battaille, le duc de Clarence fist ravitaillier et rafreschir de vivres la ville de Havfleu ; puis, s'en retournèrent les Anglois en Angleterre, fors joyeulx de leur bonne fortune. De ces nouvelles fut moult joeulx le roy d'Angleterre, et bienviengna son frère moult grandement,
