L, et B

328 OimONIQlTE DE JEAN LE FÉVRE | 1 4 1 8]

tout ce qu'il/ dcniaiulèrcnt. Et tanlost le firent monter à cheval, avec liiy le frère du roy de Gippre, et le firent clievaucliier avec eulx parmy la ville. Aucuns allèrent à l'ostel du connestable pour le prendre ; mais il en fut adverty et se sauva, en habit dissimulé et des^^uisé, en la maison d'un povre homme auprès de son oslel. Aucuns auUres s'en allèrent à l'ostel du chancellier et de Bemonnet de La Guerre, Icsquelz furent trouvez et saisi/.

Adont s'avisa ïanegy du Gastel, prévost de Paris, (juant il ouy l'effroy, d'aller à l'ostel du daulphin et l'enveloppa en un^^ linchoel hastivement, et en ce point l'emporta en la bastille Saint-Anthoine, là où secrètement pluiseurs notables gens de leurs gens se retrayèrent. Ainsi doncques, celle nuyt, le premier et le second jour ensuivant, iceulx gens de guerre et le peuple ne cessèrent de fuster les maisons des gouverneurs du roy et de leurs favorissans, prindrent tous leurs biens et pluiseurs prisonniers et les menèrent au Pallais, à Louvre et en Ghaslelet, et en pluiseurs aultres lieux. Entre lesquel/ furent les évesques de Sentis, de Bayeulx et de Goustances, messire Hector de Ghartres, messire Enguerant de Marcougnet et aultres sans nombre.

Le seigneur de Lille Adam, après ces choses faictes, fist establir le Veau de Bar prévost de Paris, au lieu de Taneguy de Gliastel ; et, à brief dire, tous les conseilliers du roy, et aultres tenans le party du conte d'Erniinac(], furent pilliés, prins ou occhis ciuellement. Et, avec c(! fut cryé, de par le roy, à son de trompe que tout homme ou femme, qui sçavoient aucuns tenans le pai'ty du conte d'Erminac(|, respons ou mouchiés, le

nunchassent au prévost, soubz confiscation de corps et de biens. Et tantost après, le povre homme, où estoit le conte d'Erminacq muchié à sa maison, le alla nunchier au prévost, lequel le alla prendre en ladicte maison et le mena prisonnier au Pallais.

Entre ces choses, Taneguy duGastel trouva manière de envoyer le dauiphin, par Charenton, à Corbeul, à Melun, à Mortagies; et si manda gens de son party de toutes pars, pour venir devers luy à la dicte bastille de Saint-Anlhoine. Et, d'aultre part, le seigneur de Lille Adam envoya hastivement en Picardie et ailleurs, pour tyrer gens d'armes à Paris ; et en brief jours après, y vint grant nombre de gens de Picardie et d'ailleurs.

Le merquedy, au matin, après la prinse de Paris, le maressal de Rieu, le seigneur de Bourbusanet Taneguy du Chastel , à compaignies de xv*^ combattans, entrèrent dedens Paris, à estandart desployé, par la porte Saint- Anthoine, et s'en allèrent par derrière entrer à l'ostel de Saint-Pol, cuidant trouver le roy [)our l'enmener aveceulx; mais ne le trouvèrent pas, car on l'avoit mis au Louvre, à tout son estât. Si chevauchèrent en celle grant rue, cryant : « Vive le roy et le connestable, « conte d'Erminacq ! » . Mais ceulx de Paris, tous incontinent, avec leur nouveau prévost et le seigneur de Lille Adam, s'en coururent celle part à si grand effort, qu'il convint les Erminacques retraire dedens la Bastille, et y perdirent jusques au nombre de iij ou ii!]*^ des plus aventureulx de leurs gens; et, des Parisiens, furent occis environ xl hommes. Et tantost après, iceulx le marissal de Rieu, Barbasan et Taneguy , leissèrent bonne garnison dedens ladicte

Bastille, et s'en allèrent à Corbeul, à Melun et à Meaulx.

Et d'aultre part, le jeudy ensuivant, vinrent à Paris Ector et Phelippe de Saveuses, à ij*^ combattans et se logèrent d'en costé la Bastille, aux Tournelles et là entour. Et puis, le vendredy, le samedy et les jours ensuivant, vindrent à Paris messire Jehan de Luxembourg, le seigneur de Fosseulx et aultres, à grant compaignie. Geulx qui furent occis du party du conte d'Erminacq, furent, par lebourel de Paris, portez aux champs et là enfouys. Les aultres de Paris furent enterrés honnourablement en terre saincte.

Après ces choses faictes, ceulx qui furent demeurez en ladicte Bastille, traictèrent avec le seigneur de Lille Adam, et s'en allèrent, leurs corps saufz et leurs biens ; et fut commis à ladicte Bastille, de par le roy, le seigneur de Cauny, qui grant temps avoit esté prisonnier là dedens, et depuis qu'il retourna d'Amiens faire l'ambassade au duc de Bourgoingne , dont cy dessus est touchié.