CHAPITRE XGIV

Comment les^ Parisiens^ gens de 'petit estât ^ au nombre de quarante mille hommes^ allèrent en diverses prisons et tuèrent bien trois mille hommes, entre lesquelz fut occis le conte d'Erminacq, connestable de France, pluiseurs évesques et seigneurs. Comment

1. Notre manuscrit dit : a pluiseurs Parisiens, » ce qui n'est pas admissible pour 40,000 hommes.

la royne de Frcmce et le duc de Bourgoingne entrèrent dedens Paris. De pluiseurs aultres advenues; et comment la ville de Compiègne fut prinse des Daulphinois.

Le xij^ jour de juiti^ ensuivanl, ceulx de Paris, de petit estât, s'assemblèrent bien xl mille hommes; et, doubtans que les prisonniers ne fussent mis à délivrance, s'en allèrent comme bestes enragiés, contre le gré de leur prévost et des seigneurs estans adont à Paris, cryans : « Vive le roy et le duc de Bourgoingne ! » , à grant bruit, à toutes les prisons, tuèrent cépiers et cépières, et tout ce qu'ilz trouvèrent de prisonniers, indil'éramment , sans nul espargnier , jusques au nombre de trois mille hommes. Desquelz et les plus principaulx furent : le conte d'Erminacq, connestable de France ; le chancellier de France ; les évesques de Constances, de Bayeux, d'Evreux, de Sentis et de Saintes; le conte de Grant Près; Remonnet de La Guerre; l'abbé de Saint-Cornille de Compiègne; Ector de Chartres ; Chariot Poupart, argentier du roy; et générallement tous ceulx qui estoient esdictes prisons ; jà soit ce que pluiseurs y fussent pour débat ou pour debtes, mesmement tenans la partie de Bourgoingne. Et, oultre, furent occhies pluiseurs femmes, parmy la ville, inhumainement, et laissiés es places où elles estoient occhies.

Celle occision commença à iiij heures, après minuyt, et dura jusques à dix heures du matin du jour ensuivant. Icelles occisions et murdres se firent, présens messire Jehan de Luxembourg, le prévost de Paris, et le seigneur de Fosseux, le seigneur de Lille Adti^m et

332 CHRONIQUE DE JEAN LE FÉVRE [l 41 8]

pluisciii's aullres, jusques au nombre de mil combaitans, tous en armes et sur leurs chevaulx. Et n'y avoit si hardy, entre eulx, qui osast dire, sinon : « Mes « enfans, vous laides bien. »

Le corps du connestable, du chancellier et de Remonnet de La Guerre, furent tous desnuez en la cour du Pallais, loyés ensemble et là demourèrent trois jours en ce point ; et les mauvais enfTans se jouoyent à les traîner avant la cour du Pallais. Et avoit, le connestable, osté de son corps une bende de son cuir de deux dois de larghe, qui estoit une grande desrision. Et, au iiij^jour, furent mis sur des beneaulx et menez liors Paris, et furent enfouvs, avec les aultres, en une fosse, nommée la Louvière, auprès du marchié aux pourceaux. Iceulx communs de Paris, non asouffis de celle occision, ne cessèrent, par i)luiseurs jours après, d'aller es maisons de ceulx qui estoient nottés avoir tenu le party d'Erminacq, et prenoient leurs biens et les occy oient sans mercy. Et s'ilz hay oient ung homme, luy faisoient entendre qu'il estoit Erminacq et le luoient. Et se aucun hayoit ung aultre, et il leur deist : « Veez là ung Erminacq ! » il estoit occis tout incontinent, sans ce que nulz en osast parler.

Le duc de Bourgoingne, oyes les nouvelles de la prinse de Paris, assembla hastivement ce qu'il peult avoir de gens et s'en alla, à Troyes, devers la royne, et manda messire Jehan de Luxembourg et le seigneur de Fosseux, lesquelz y allèrent, à mil combattans. Puis se partirent de Troyes, en grant arroy, la royne et le duc de Bourgoingne, et s'en allèrent à Paris, et y vindrent, le xiiij*^ jour de juillet ; et yssirent de Paris

plus de vj"^ hommes à cheval alleucoiilrc d'eulx, portans heucques bleues, et, par dessus, la croix Saint- Andrieu, en lieu de la bende qu'ilz avoient longtemps porté ; et offrirent au duc de Bourgoingne et à son nepveu, le jeusne conte de Saint-Pol , deux bleues heucques de velours, à croix Saint-Andrieu, comme ilz portoient. A entrer en Paris, ilz s'en allèrent descendre à l'ostel de Saint-Pol, où estoit le roy, qui les receut à grantjoye.

Aucuns jours après, se tindrent à Paris pluiseurs consaulx sur le fait du gouvernement du royaulme. Le seigneur de Lille Adam, et le seigneur de Chastellus, furent faiz mareschaulx, et messire Robinet de Mailly, fu fait grant panetier de France ; messire Charles de Lens fut fait. admirai; maistre Eustasse de Lattres fut fait chancellier ; maistre Phclippe de Morviller fut fait premier président en Parlement ; et le duc de Bourgoingne fut fait capitaine de Paris, et messire Charles de Lens, son lieutenant; et accordoit le roy tout ce que on luy demandoit.

Entre ces choses, ung nommé Jehan Vertaing, capitaine de Saint-Denis, fut occis par xij compaignons, à la Chapelle, entre I^aris et Saint-Denis; et en fut accusé^ messire Jehan de Luxembourg, pour ce que aucuns de ses gens le tuèrent; c'est assavoir Lionnel de Wandonne, le bastart de Roubaix et aulcuns aultres. Et en furent ceulx de Paris si malcontens qu'ilz saillèrent aux champs pour prendre et mectre à mort les facteurs. Mais ne les trouvèrent point et convint ledit de