CHAPITRE XGV

Comment Jehan, due île Bvahant, espousa dame Jaeques de Bavière, eontesse de Ilaynault, de Hollande, de Zellande, etc., sa cousine germaine.

En ce temps et durant ces choses, Jehan, duc de Brabant, espouza Jacques de Bavière, sa cousine germaine, eontesse dellavnnau, de Hollande, de Zellande et d'Ostrevant. Et si estoit sa marine; mais le mariage se fist pour cause de entretenir paix et amour ensemble, pour le bien de leurs subgetz, pour ce que leurs seigneuries tiennent l'une à l'autre. Et, tantost après, la paix fut faicte entre Jehan de Bavière et sa dicte niepce. Et depuis, comme le duc de Brabant et la eontesse, sa femme, résidoient à Mons, en Haynnau, il fut ung jour qu'il alla chasser, et vint en son hostel, à Mons, messire Evrard, bastart de Haynault, frère à la ducesse, et aucuns aultres avec luy; et, de fait apensé, tuèrent le gouverneur du duc de Brabant, nommé Guillame de Berghe, qui lors estoit couchié malade sur ung lit ; dont le duc fut moult courrouchié. Mais enfin sa femme le rapaisa ; et fut adont commune renommée qu'elle en estoit bien consentant.