CHAPITRE XCVI

Comment les vicaires de Vévesque de Paris révocquèrent, en plain sermon, la condempnation que

(mitre foiz avoit esté faitte contre maistre Jehan Petit, en réparant Vonneur du duc de Bourgoingne . Comment Laigny sur Marne fut prinse et reprinse; et de la grant peste qui fut dedens Paris.

En ce temps fut faicte, à Paris, une procession généralle, où estoient ceulx de l'Université et principallement les vicaires de l'évesque de Paris, lors malade à Saint-Omer. Lesquelz vicaires révocquèrent là, en plain sermon, présens tous ceulx qui là estoient, la condempnacion que ledit évesque avoit fait aultrefoiz contre la proposicion de maistre Jehan Petit, contre l'onneur du duc de Bourgoingne, en réparant quant ad ce son honneur et leaulté, comme vray champion de la couronne de France. Et firent aparoir du povoir qu'il/ avoient de l'évesque en ceste partie, et tant que le duc de Bourgoingne fut content.

En ce temps, prindrent les Daulphinois, qui se tenoient à Meaulx, Laigny sur Marne, par faulte de guette, et y firent beaucop de maulx. Mais, ceulx de la garnison se saulvèrent en une tour, et envoyèrent pryer au duc de Bourgoingne qu'il leur envoyast secours. Et y envoya le seigneur de Lille Adam, lequel, par le moyen d'icelle tour, entra en la ville et mist à l'espée la plus grant partie des Daulphinois; pm*s laissa bonne garnison en la ville, et s'en retourna à Paris.

Tantost après, vint à Charrenton le duc de Bretaigne, pour faire la paix entre le daulphin et le duc de Bourgoingne; mais ilz ne se peurent accorder. Sy s'en retourna le duc de Bretaingne[en son pays^] Hz