PROLOGUE

Au nom de la très excellente et glorieuse Trinité , Père, Filz et Saint Esperit, ung Dieu éternel en trois personnes, qui tout a fait, créé et composé par sa puissance intînie, selon sa prouveue discrétion et volenté; et de la glorieuse Vierge Marie, Mère et Fille de Nostre Créateur et Rédempteur, Jhésu Crist, royne des cieulx et de la terre, dame des Angles; et de tous les sains et saintes de paradis, ausquelz glore et louenge soit donnée; et, après, à tous empereurs, rois, ducz, contes, barons et aultres donnés, chascun selon sa vocation, à la très noble militant ordre de chevalerie, en laquelle ont esté et sont de haulx et nobles princes, et aultres, qui en cest estât ont rengné et régnent; comprins lesquelz, par permission et soubz la puissance divine, ont esté et sont institués et ordonnés es dignités temporelles pour soustenir Sainte Eglise, droit et justice, et le bien de la chose publicque maintenir, et delTendre nostre foy crestienne et catholique, je, Jehan, seigneur de Saint Remy, de la Vacquerie, d'Avesneset deMorienne, dict Thoison d'or, consielher et roy d'armes de très hauit, très excellent et très puissant prince et mon très redoublé seigneur, I 1