CHAPITRE XXXVil

Comment le roy conclud de entretenir ce que avoit esté conclud à Pantoise ; et de la délivrance des princes et aultres grans personnages, chevaliers et officiers

emprisonnez par les Parisiens; aussi la réintégradon de pluiseurs qui avoient esté desmis de leurs offices. Du partement du duc de Bourgoingne ; de la venue de pluiseurs princes à Paris; et comment messire Charles de Labreth fut remis en estât de connestable.

Vous advez ouy comment les ducz de Berry et de Bourgoingne avoient bcsoingnié à Ponthoise avec les ambassadeurs du rov de Sézille, des ducz d'Orléans et de Bourbon, et aultres qui lors estoient à Vernon sur Saine ; et comment le roy, en son grant conseil, conclud de tenir et entretenir tout ce qu'en ladicte ville de Ponthoise avoit esté fait et pourparlé. Pour laquelle cause, ordonna certains mandemens estre publiez partout son royaulme. Par lequel mandement il faisoit savoir le traictié de la paix, et comment il révocquoit et adnulloit tous les bannissemens et toutes sentences quclzconcques qui avoient esté faictes contre ceulx de son sang et contre les prisonniers prins par ceulx de Paris; et vouloit aussi que toutes gens de guerre et tenans les champs s'en ralaissent en leurs hostelz, sans plus adommagier son royaulme, sur paine de confiscation de corps et de biens ; en mandant aussi à tous ses baillifz et officiers que, se les gens d'armes de Champaigne ne vouloient obéyr, qu'ilz trouvassent la manière d'estre les plus forts, en abandonnant tous leurs biens, chevaulx et harnas à ceulx qui à leur compaignie seroient ; et que, se aucuns se défendoient, que on les occeist ; et s'aucuns vouloient empeschier le bien de la paix, fust en parolle ou en fait, qu'ilz fussent crimiuélement pugnis.

Or est ainsi que, a[)rès ce que le roy ot ainsi conclud [de entretenir I ' la eciliillc (|iii avoit ainsi estétaicte audit lieu de l'onîlioise, iiieonlinent après, en la présence des ducz de Berry et de Bourj^oingne, fut ordoiuiée; et de l'ait allèrent les trois ducz de Berry, de Guienne et deBourgoingne, desprisonner les prisoiniiers que ceulx de Paris avoient emprisonnez; c'est assavoir les ducz de Bar, de Bavière, et aultres grans personnages, et en grant nombre de chevaliers et officiers, tant des gens du roy, de la royne que de monseigneur de Guienne. Dont pluiseurs de Paris cuidèrent empeschier et la paix et la délivrance d'iceulx. Mais, pour eulx on n'en fist riens.

Après ce que les prisonniers furent délivrez, fut maistre Jehan de Troyes, lors conchierge du Palais, desmis de son office, et tous ses biens prins et emportez dudit Palais par aucuns de la ville de Paris, Icsquelz l'avoient acoustumé de l'acompaigner ; et en l'office de conchergerie fut restitué celluy qui auparavant Texerçoit. Et pareillement, pluiseurs aultres à qui on avoit osté leurs offices y furent remis et restituez, comme Antlioine des Essars ; et aussi au duc de Bar fut rendue la capitainerie du Louvre, au duc de Bavière la Bastille, comme auparavant avoit esté.

A la délivrance des prisonniers dessusdis, fut faicte une grande feste et grant joye par tout Paris; et firent feste par deux jours entiers, sonnant les cloches, toutes

1. Les deux manuscrits ont : « conclud que la cédule. » Le Laboureur, qui devait sentir le besoin d'une correction de cette conjonction, lui a substitué pour, sans que la phrase en soit devenue plus claire. Il nous a semblé que le sommaire du chapitre nous fournissait la vraie variante.

en heure, comme l'en disoit. Et icelle feste se faisoit pour Tiimour de la paix.

Tantost après ceste feste faicte, furent prins des gens du duc de Bourgoingne le seigneur de Yiefville, messire Charles de Lens ; et messire Robinet de Mailly, doubtant qu'il ne fust prins, s'en alla , et pour celle cause fu bany du royaulme. Le seigneur de Jacqueville fut desmis de son office de capitainerie de Paris. Pluiseurs des bouchiers, Caboche, Jehan de Troyes, maistre Witasse de Lattre, s'en allèrent, les ungz en Flandres, les aultres en Bourgoingne.

Pluiseurs aultres aussi se absentèrent ; c'est assavoir les commissaires (|ui avoient esté ordonnez à interroghier les prisonniers. Quant le duc de Bourgoingne vit la manière du duc de Guienne, doubtant qu'il ne fust mie bien content de luy, fut en grant souspechon que on ne meist la main à sa personne ; et avec ce il véoit, chascun jour, que ses gens le leissoient et secrètement s'en alloient, sans prendre congié de luy, pour double que on ne les prinst, ainsi que desjà en avoit de prins; et sy estoit advertis que on avoit fait aucuns agaitz de nuyt autour de son hostel. Véant aussi que de jour en jour venoient devers le duc de Guienne grant nombre de ceulx qui par avant avoient esté ses adversaires, et pour ce, affin de obvyer et résister aux périlz qui s'en pourroient ensiévir, trouva manière que le roy alla chasser es bois de Villenoeufve Saint-George. Si alla avec luy, et quant il vit son point, il print congié du roy, en disant que il avoit eu nouvelles de son pays de Flandres, où il failloit qu'il retournast pour aucuns affaires qui luy estoient survenus. Et, de fait, se party, après ce qu'il ot prins congié du roy.

[1413] SEIGNEUR DE SAINT-llE.MY . 1 09

Ce jour alla gésir au Por)l-Saiiicte-Massence, et (Driiist son droict chemin a Lille en Flandres. Après son parlement, les Orléannois et aucuns Parisiens commencèrent à fort murmurer contre luy ; et ses gens qui avoient tenu son party fureiit en grant soussy, et non sans cause; car chascun jour on en prenoit, dont les aucuns on t'oisoit justice assez hastive. Et, de fait, furent exécutez, traynez et pendus, les deux nepveux Caboche, et pariellement Jehan de Troyes, cousin germain de maistre Jehan de Troyes. Quant la royne, les ducz de Guienne, de Berry et de Bar scèrent le partement du duc de Bourgoingne, ilz en furent moult joeulx, et aussi pluiseurs aultres (jui par avant se monstroient du tout à luv, et fort estoit la chance retournée, car n'avoit pas grant temps que nul n'osoit parler des Orléannois ; et, à ceste heure, estoit tout le contraire, car de tout point ilz estoient au dessus en la ville de Paris, et de Bourgoingne n'estoit nulz qui en ozast parler.

Ne demoura gaires que le roy de Sézillc, les ducz d'Orléans et de Bourbon, les contes d'Alenchon, de Vertus, d'Eu et Dampmartin, et aultres, en grant nombre, allèrent à Paris en grant compaignie de gens d'armes, en très belle ordonnance. Les ducz de Berry et de Bavière, et pluiseurs bourgois de la ville, allèrent à rencontre d'eulx et les reçeurentà grant joye. Iceulx princes allèrent tout droit au Pallais faille la révérence au roy, à la royne et au duc de Guienne, qui là estoient à ceste assemblée. La joye fut moult grande, et là souppèrent la plus part des princes ensemble; et, l'endemain, messire Charles de Labreth arriva à Paris, auquel fut rendue son office de connestable, et le conte de Saint-Pol desmis.