CHAPITRE LU

Co77wient le roy assiéga Arras avecques deux cens mil hommes, qui fut approchée et fort battue et vaillamment deffendue.

Ne demoura guaires après que le roy eull envoyé son ambassade à Cambray devers le duc de Brabant ; et la contesse de Haynnau, après son ambassade retournée, s'en alla mectre le siège devant Arras, et laissa à Bappasmes messire Gasselin du Bos, capitaine de la ville, qui fist faire le serment à tous ceulx de la ville. Vous avez ouy comment le roy alla asségier la ville d' Arras, à si grant compaignie que on estimoit deux cens mil hommes. Sy fu le roy logié en une maison nommée le Temple, et le duc de Guienne assez près de luy, es fourbours. Et, du costé de l'abbaye de la Tieulloye, furent logiés le duc d'Orléans, les contes de Vertus et d'Alenchon et le duc de Bar ; mais, les plus liounourablement logiés furent le duc de Bourbon et le conte d'Eu ; car ils furent logiez es fourbours qui se

nomme Baudimont, au droit chemin d'Arras à Lille; lesquelz ne povoient avoir que, à très grant paine, secours et ayde de leurs gens; et si estoient à la venue par où la puissance du duc de Bourgoingne povoit venir, sans le dangier' des aultres. Mais, ung bien y avoit pour eulx, car leur logis estoit clos de muraille; mais, aussi, estoient ilz en la plaine saillie de la ville et de cité, qui sont deux villes.

Touteffoiz, quelque grant puissance que le roy euist, qui fut estimé ij*^ mil, se ne fust oncques la ville si assiégie qu'ilz ne eussent deux portes ouvertes pour entrer et yssir, quant bon leur sembleroit. Auprès d'Arras siet ung petit castel nommé Belle Motte, lequel, durant le siège, par appointement, ne fist point de guerre aux gens du roy ; ne aussi les gens du roy ne luy firent point de guerre. Tousjours, toutesvoies, y demourèrent les gens du duc de Bourgoingne, pour ce que la ville d'Arras ne fust point asségie que tousjours ^ ne peussent entrer et yssir, ainsi que devant est dit. Si se faisoient de grans saillies et escafmuches, tousjours à l'avantage des Bourguignons. Entre lesquelles escarmuches s'en fist une envers la porte Saint-Mi chiel, en la prairie oultre une riverette ; c'est assavoir, il se trouvèrent, des gens du roy, de vj à vij"^ combatans, qui, pardessus une planchette, passèrent la rivière; laquelle chose ceulx de la ville véoyent. Sy envoyèrent, le plus secrètement que faire se peult, osterla planche; et, ce fait, par une petitte posterne, saillèrent sur les gens du roy. Et quant les gens du roy veirent la puis-